完整藏文原文 · 德格版页 当前仅加载第 1 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱི་གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང་ཕྱི་རོལ་ཉེ་འཁོར་འདོམ་གང་དང་བཅས་པ་འདི་ལ་དགེ་
D1.001.0137b01.01འདུན་གྱི་གསོ་སྦྱོང་གི་གནས་སུ་བློ་མཐུན་པར་བགྱིས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གང་དུ་དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བྱས་པ་དེར་དགེ་སློང་རྣམས་ཀྱིས་འདུག་ལ་གསོ་སྦྱོང་དང་། དགག་དབྱེ་དང་། གསོལ་བ་དང་།
D1.001.0137b02.01གསོལ་བ་དང་གཉིས་དང་། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་བཅུ་གཉིས་པ། སྡོམ་ལ། ཀ་པི་ན་དང་ཆོས་གོས་དང་། །དགྲོལ་དང་མཚམས་ཆུང་མཚམས་ཆེན་དང་། །
D1.001.0137b03.01གནང་དང་བསྐྱུང་བསྐྱེད་དགྲོལ་བ་དང་། །གཅད་དང་མི་འབྲལ་མ་གཅད་དང་། །གྲོང་དགོན་ལས་དང་དགོན་པ་ཡི། །སྡེ་ཚན་ཡང་དག་བསྡུས་པ་ཡིན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་
D1.001.0137b04.01ན་ཚེ་དང་ལྡན་པ་བྲམ་ཟེ་ཀ་པི་ན་རྒྱལ་པོའི་ཁབ་ན་སྡེ་ཅན་མའི་ཕུག་ན་གསོ་སྦྱོང་གཅིག་པའི་གནས་ཀྱི་སྡོམ་པས་དགེ་འདུན་དང་མཐུན་པར་འཇུག་གོ། །དེ་ནས་དགེ་སློང་རབ་ཏུ་མང་པོ་དག་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ཀྱི་ཚེ་གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས།
D1.001.0137b05.01ཤས་ཆེར་ཚེ་དང་ལྡན་པ་བྲམ་ཟེ་ཀ་པི་ན་ལ་སྡོད་ཅིང་འཁོད་དོ། །དེ་ནས་ཚེ་དང་ལྡན་པ་བྲམ་ཟེ་ཀ་པི་ན་འདི་སྙམ་དུ་སེམས་ཏེ། དེང་དགེ་འདུན་གྱི་གསོ་སྦྱོང་{བཅྭ་,བཅོ་}ལྔ་པ་ཡིན་ལ་བདག་དགེ་སློང་ཀ་པི་ནའི་གསོ་སྦྱོང་ཡང་{བཅྭ་,བཅོ་}ལྔ་པ་ཡིན་ན། ཅི་དགེ་འདུན་གྱི་གསོ་སྦྱོང་གི་གནས་སུ་
D1.001.0137b06.01འགྲོ་བར་བྱའམ། འོན་ཏེ་དགེ་འདུན་གྱི་གསོ་སྦྱོང་གི་གནས་སུ་འགྲོ་བར་མི་བྱ། ཅི་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་བྱའམ། འོན་ཏེ་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་མི་བྱ། ཅི་དགེ་འདུན་གྱི་བྱ་བ་དག་དང་དགེ་འདུན་གྱི་བྱེད་པ་དག་ཏུ་འགྲོ་
D1.001.0137b07.01