完整藏文原文 · 德格版页 当前仅加载第 1 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
འཛུམ་པ་མི་མཛད་ན། བཙུན་པ་འཛུམ་པ་མཛད་པའི་རྒྱུ་ནི་གང་ལགས། རྐྱེན་ནི་གང་ལགས། ཚིགས་སུ་བཅད་པ་ཡང་གསོལ་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒྲོས་ནས་བྱུང་གྱུར་ཏེ། །དེ་ཡིས་ཕྱོགས་རྣམས་ཐམས་ཅད་སྣང་
D1.001.0092b01.01བགྱིས་པ། །ཉི་གདུགས་བདལ་བར་གྱུར་པ་ཇི་བཞིན་ནོ། །རྒོད་བྲལ་ཞུམ་དང་རྒྱགས་པ་རབ་སྤངས་ལ། །སངས་རྒྱས་འགྲོ་བ་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་བ་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟན་པ་
D1.001.0092b02.01རང་བློ་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བརྟན་པ་དང་། །དམ་པ་དགེ་བ་དག་གིས་བསལ་དུ་གསོལ། །ཚྭ་ཆུ་རི་རྒྱལ་ལྟ་བུར་བརྟན་པ་ཡི། །སངས་རྒྱས་མགོན་
D1.001.0092b03.01རྣམས་གློ་བུར་འཛུམ་མི་སྟོན། །བརྟན་པ་ཇི་སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་
D1.001.0092b04.01དག་པར་རྫོགས་པའི་སངས་རྒྱས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཀུན་དགའ་བོ་ཕྱོགས་འདི་ཉིད་དུ་གཡོན་ཅན་རབ་ཏུ་མང་པོ་དག་གིས་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་སྟེ། དེ་དག་འདི་ནས་ཤི་འཕོས་ནས་སེམས་ཅན་དམྱལ་བ་རྣམས་
D1.001.0092b05.01ཀྱི་ནང་དུ་སྐྱེ་བར་འགྱུར་རོ། །དེ་ནས་དགེ་སློང་ཞིག་གིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་གཡོན་ཅན་རབ་ཏུ་མང་པོ་དག་གིས་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་བ་
D1.001.0092b06.01གང་དག་ལགས་པ་དེ་དག་གི་ནང་ནས་གཅིག་བདག་ལགས་སོ། །མི་གཏི་མུག་ཅན་ཁྱོད་ཀྱིས་ཀྱང་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་ངམ། བཙུན་པ་བདག་གིས་ཀྱང་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་ངོ་། །དེ་ནས་བཅོམ་ལྡན་འདས་
D1.001.0092b07.01