完整藏文原文 · 德格版页 当前仅加载第 1 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
སྟན་ནང་ཚངས་ཅན་གདིང་བར་བྱའོ། །བཅོམ་ལྡན་འདས་ཀྱིས་སྟན་ནང་ཚངས་ཅན་དག་གདིང་བར་བྱའོ་ཞེས་བཀའ་སྩལ་ནས། དེ་དག་གིས་སྟན་ནང་ཚངས་ཅན་ཅི་འདྲ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སྲིད་དུ་ཁྲུ་བཞི་པ་ཞེང་
D1.001.0134a01.01དུ་ཁྲུ་དོ་ཡོད་པ་ཉིས་ལྟབ་ཏུ་བྱས་ཏེ་དྲུབ་པར་བྱའོ། །དེའི་ནང་དུ་ཤིང་བལ་གྱིས་དགང་བར་བྱའོ། །དེ་དག་གིས་ཤིང་བལ་དུ་ཡོད་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་བལ་དག་ནི་ལྔ་སྟེ། ཨརྒའི་ཤིང་བལ་དང་། ཀ་ཤི་ཀའི་ཤིང་བལ་དང་། ཨེར་
D1.001.0134a02.01ཀའི་ཤིང་བལ་དང་། སྤྲ་བའི་ཤིང་བལ་དང་། ཤལ་མ་ལིའི་ཤིང་བལ་དག་ཡིན་ནོ། །གཞན་ཡང་ལྔ་སྟེ། བལ་དང་། ཤ་ནའི་ཤིང་བལ་དང་། རས་བལ་དང་། རས་མ་དང་། ལོ་མའི་ཚོགས་དག་གིས་བཀང་བ་དག་ཡིན་ནོ། །ཤིང་བལ་ཐམས་ཅད་ཕྱོགས་
D1.001.0134a03.01གཅིག་ཏུ་འཆུགས་ནས་བཅོམ་ལྡན་འདས་ཀྱིས་བཀའ་སྩལ་པ། མདོ་མདོར་སྐུད་པས་བྱ་རོག་རྐང་གི་གཟུངས་གདབ་པར་བྱའོ། །འཁོད་པ་ན་ཡུར་ནས་བཅོམ་ལྡན་འདས་ཀྱིས་བཀའ་སྩལ་པ། གདོས་བུ་གདགས་པར་བྱའོ། །ཇི་ལྟར་གདགས་མི་ཤེས་ནས་བཅོམ་ལྡན་
D1.001.0134a04.01འདས་ཀྱིས་བཀའ་སྩལ་པ། སྐུད་པ་བཏགས་ཏེ་རྣ་བ་ལ་གདགས་པར་བྱའོ། །འོན་ཀྱང་ཡུར་ནས་བཅོམ་ལྡན་འདས་ཀྱིས་བཀའ་སྩལ་པ། དབྱུག་གུ་གཟུགས་པར་བྱའོ། །དགེ་སློང་དག་དབྱུག་གུ་སྨྱིག་གུའི་བཅད་འཕྲོ་ལྟ་བུས་འཛུགས་པ་ན་རྨ་བྱུང་ནས་བཅོམ་ལྡན་འདས་
D1.001.0134a05.01ཀྱིས་བཀའ་སྩལ་པ། བྲེའི་བཅད་འཕྲོ་ལྟ་བུར་བྱའོ། །འོན་ཀྱང་སྣད་ནས་བཅོམ་ལྡན་འདས་ཀྱིས་བཀའ་སྩལ་པ། རས་མ་དག་གིས་དཀྲིས་ནས་དལ་བུས་ཁད་ཀྱིས་ཁད་ཀྱིས་གཟུགས་པར་བྱའོ། །འོན་ཀྱང་ཡུར་ནས་བཅོམ་ལྡན་འདས་ཀྱིས་བཀའ་སྩལ་པ། ཕོ་ལོང་
D1.001.0134a06.01འཕང་བར་བྱའོ། །དགེ་སློང་དག་གིས་མུན་ཁུང་དུ་འཕངས་པ་ན་དེ་འཁྱམས་ནས་བཅོམ་ལྡན་འདས་ཀྱིས་བཀའ་སྩལ་པ། ཐག་གུས་བཏགས་ཏེ་འཕང་བར་བྱ་ཞིང་དེ་ནས་ཡང་ཕྱིར་དྲང་བར་བྱའོ། །འོན་ཀྱང་ཡུར་ནས་བཅོམ་ལྡན་འདས་ཀྱིས་བཀའ་སྩལ་པ། མདུན་དུ་
D1.001.0134a07.01