完整藏文原文 · 德格版页 当前仅加载第 1 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གིས་དགེ་འདུན་གྱི་དབྱེན་བྱ་བར་རྩོལ་ཞིང་དེ་ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང་། གང་ཡང་གནས་དེར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་པར་
D1.001.0250b01.01ཐོས་ལ། དགེ་སློང་དེ་དང་ནི་བདག་ཏུ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་པ། འགྲོགས་བཤེས་པ་ཡིན་གྱིས། གལ་ཏེ་བདག་དེར་སོང་ན་བདག་གིས་ཇི་ལྟར་གནས་དེར་དབྱར་གྱི་ནང་ལོགས་སུ་དགེ་འདུན་བྱེ་བར་མི་འགྱུར་བ་དེ་ལྟ་དེ་ལྟར་བྱ་ནུས་སོ་སྙམ་
D1.001.0250b02.01ན། དགེ་སློང་གིས་ཞག་བདུན་བྱིན་གྱིས་བརླབས་ལ་དགེ་འདུན་གྱི་བྱ་བའི་ཕྱིར་འགྲོ་བར་བྱ་སྟེ། གལ་ཏེ་དེར་སོང་ན་ལེགས། མ་སོང་ན་འགལ་ཚབས་ཅན་དུ་འགྱུར་རོ། །གལ་ཏེ་དགེ་འདུན་གྱི་བྱ་བའི་ཕྱིར་དེར་སོང་བ་ལས་ཞག་བདུན་འདས་ཏེ་དབྱར་རལ་ན་ལྟུང་བ་
D1.001.0250b03.01མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གིས་གནས་ག་གེ་མོ་ཞིག་ཏུ་དགེ་སློང་ཞིག་གིས་དགེ་འདུན་གྱི་དབྱེན་བྱ་བར་རྩོལ་ཞིང་དེ་ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་
D1.001.0250b04.01ཅིང་། གང་ཡང་གནས་དེར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་པར་ཐོས་ལ། དགེ་སློང་དེ་དང་བདག་ཏུ་ནི་གཏམ་འདྲེས་པ་དང་། ཕེབས་པར་སྨྲ་བ་དང་། སྨོས་འདྲིན་པ་དང་། འགྲོགས་བཤེས་པ་མ་ཡིན་མོད་ཀྱི། འོན་ཀྱང་
D1.001.0250b05.01དགེ་སློང་དེ་གང་དང་གཏམ་འདྲིས་པ། ཕེབས་པར་སྨྲ་བ། སྨོས་འདྲིན་པ། འགྲོགས་བཤེས་པའི་དགེ་སློང་དེ་དང་བདག་ཏུ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་པ། འགྲོགས་བཤེས་པ་ཡིན་གྱིས། བདག་དེར་སོང་ལ་བདག་གིས་ཇི་ལྟར་གནས་
D1.001.0250b06.01དེར་དབྱར་གྱི་ནང་ལོགས་སུ་དགེ་འདུན་བྱེ་བར་མི་འགྱུར་བ་དེ་ལྟ་དེ་ལྟར་བྱ་ནུས་སོ་སྙམ་ནས། དགེ་སློང་གིས་ཞག་བདུན་བྱིན་གྱིས་བརླབས་ལ་དགེ་འདུན་གྱི་བྱ་བའི་ཕྱིར་འགྲོ་བར་བྱ་སྟེ། གལ་ཏེ་སོང་ན་ལེགས། མ་སོང་ན་འགལ་ཚབས་ཅན་དུ་འགྱུར་རོ། །གལ་ཏེ་
D1.001.0250b07.01