完整藏文原文 · 德格版页 当前仅加载第 1 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི་འདི་ལྟར་ཡང་དགག་
D1.001.0230a01.01དབྱེ་བཅོ་ལྔ་པ་དེ་ཉིད་ལ་རྒན་ཞུགས་མི་ཤེས་པ། རྨོངས་པ། མི་གསལ་བ། མི་མཁས་པ་གཞན་ཞིག་གིས་སྤྱོད་ཡུལ་ལམ། སྤྱོད་ཡུལ་གྱི་ལམ་ཀར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་གཤེས་སམ། ཁ་ངན་སྨྲས་སམ། རེག་པས་མི་རྣམས་
D1.001.0230a02.01ཁྲོས་ཏེ། ཀུན་དགའ་ར་བའི་སྒོར་ལྷགས་ནས་སྤར་ཐབས་སུ་སྐུར་པ་སྒྲོགས་ཤིང་། ཤེས་ལྡན་དག་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཤིག །སོད་ཅིག །ཆིངས་ཤིག །སྤྱུགས་ཤིག །རྒྱལ་པོའི་གླང་པོ་ཆེ་འཚོ་བ་དང་། རྟ་རྫི་དང་། ཤིང་རྟ་སྲུང་བ་དང་། སོ་ཕག་
D1.001.0230a03.01སྐྱེད་པ་དང་། རྒྱལ་མཚན་ཐོགས་པ་དང་། འཕན་{རིངས་,རིང་}འཛིན་པ་སོ་སོར་རྒྱལ་པོའི་བྱ་བ་དང་། རྒྱལ་པོའི་བྱེད་པ་རྣམས་བྱེད་པར་འགྱུར་རོ་ཞེས་ཟེར་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ།
D1.001.0230a04.01རྒན་ཞུགས་མི་ཤེས་པ། རྨོངས་པ། མི་གསལ་བ། མི་མཁས་པ་གཞན་ཞིག་གིས་སྤྱོད་ཡུལ་ལམ། སྤྱོད་ཡུལ་གྱི་ལམ་ཀར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་གཤེས་སམ། ཁ་ངན་སྨྲས་སམ། རེག་པས་མི་རྣམས་ཁྲོས་ཏེ་ཀུན་དགའ་ར་བའི་སྒོར་
D1.001.0230a05.01ལྷགས་ནས་སྤར་ཐབས་སུ་སྐུར་པ་སྒྲོགས་ཤིང་། ཤེས་ལྡན་དག་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཤིག །སོད་ཅིག །ཆིངས་ཤིག །སྤྱུགས་ཤིག །རྒྱལ་པོའི་གླང་པོ་ཆེ་འཚོ་བ་དང་། རྟ་རྫི་དང་། ཤིང་རྟ་སྲུང་བ་དང་། སོ་ཕག་སྐྱེད་པ་དང་། རྒྱལ་མཚན་ཐོགས་
D1.001.0230a06.01པ་དང་། འཕན་{རིངས་,རིང་}འཛིན་པ་སོ་སོར་རྒྱལ་པོའི་བྱ་བ་དང་། རྒྱལ་པོའི་བྱེད་པ་རྣམས་བྱེད་པར་འགྱུར་རོ་ཞེས་ཟེར་ཏེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན་གཞི་དེས་བདག་གི་སྲོག་གི་བར་ཆད་དང་། དགེ་སྦྱོང་གི་ཚུལ་གྱི་བར་
D1.001.0230a07.01