完整藏文原文 · 德格版页 当前仅加载第 1 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་རྗེ་སྐྱེས་ཏེ། དེས་བསམས་པ། གལ་ཏེ་བདག་གིས་མ་བཞག་ན་འདི་དང་ལྷན་ཅིག་ཏུ་ཚུལ་མ་ཡིན་པས་སྡུག་བསྔལ་བར་འགྱུར་རོ་སྙམ་ནས་དེས་དེ་གཉིས་བོར་ཏེ་རྐང་པས་སོང་བ་ལས། དེས་ཇི་ཙམ་ན་ལྕགས་ཀྱི་གྲོང་ཁྱེར་མཐོ་ཞིང་རྒྱ་ཆེ་བ་དེའི་
D1.001.0256a01.01སྒོ་ན་སྐྱེས་བུ་གནག་ལ་ཆེ་བ། མིག་དམར་བ། བྱིན་སྙིང་རློ་བ་ལག་ན་དབྱུག་པ་ཐོགས་པ་ཞིག་འདུག་པ་མཐོང་ནས། དེ་དེའི་དྲུང་དུ་སོང་སྟེ། ཀྱེ་ནང་རྗེ་འདི་ན་ཆུ་ཡོད་དམ། དེ་ཡང་ཅང་མི་སྨྲ་བར་འདུག་གོ། །དེས་ཡང་དྲིས་པ། ཀྱེ་ནང་རྗེ་འདི་ན་ཆུ་ཡོད་དམ།
D1.001.0256a02.01འོན་ཀྱང་དེ་ཡང་མི་སྨྲ་བར་འདུག་གོ། །དེས་དེར་ཞུགས་ཏེ་ཆུ་ཆུ་ཞེས་བྱ་བའི་སྒྲ་ཕྱུང་བ་དང་{ཡི་དགས་,ཡི་དྭགས་}ལུས་སྡོང་དུམ་ཚིག་པ་འདྲ་བ། རུས་གོང་བསྒྲེང་བ་ལྟ་བུ་རང་གི་སྤུ་དང་སྐྲས་ཡོག་པ། ལྟོ་རི་སུལ་ལྟར་འདུག་པ། ཁབ་ཀྱི་མིག་ཙམ་གྱི་ཁ་ཡོད་པ་བརྒྱ་སྟོང་
D1.001.0256a03.01དུ་མས་ཡོངས་སུ་བསྐོར་ནས་གྲོ་བཞིན་སྐྱེས་སྙིང་རྗེ་དང་ལྡན་པ་ཁྱོད་ཀྱིས་བདག་ཅག་སྐོམ་པ་ལ་ཆུ་ལུད་ཅིག །དེས་སྨྲས་པ། ཤེས་ལྡན་དག་བདག་ཀྱང་ཆུ་སློང་ན་བདག་གིས་ཆུ་བླུད་དུ་ག་ལ་ཡོད། དེ་དག་གིས་སྨྲས་པ། གྲོ་བཞིན་སྐྱེས་{ཡི་དགས་,ཡི་དྭགས་}ཀྱི་གྲོང་
D1.001.0256a04.01ཁྱེར་འདི་ན་ཆུ་ག་ལ་ཡོད། བདག་ཅག་གིས་ལོ་བཅུ་གཉིས་ཀྱི་བར་དུ་ཆུ་ཆུ་ཞེས་བྱ་བའི་མིང་དེང་ཐོས་སོ། །ཤེས་ལྡན་དག་ཁྱེད་ཅག་སུ་ཞིག་ལས་གང་གིས་འདིར་སྐྱེས། གྲོ་བཞིན་སྐྱེས་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་
D1.001.0256a05.01ཆེས་སོ། །ཤེས་ལྡན་དག་བདག་གིས་མངོན་སུམ་དུ་མཐོང་ན་ཇི་ལྟར་ཡིད་མི་ཆེས་པར་འགྱུར། དེ་དག་གིས་ཚིགས་སུ་བཅད་དེ་སྨྲས་པ། བདག་ཅག་ངག་རྩུབ་ཁྲོ་ལྡན་ཞིང་། །བདག་ཅག་སེར་སྣ་འཇུངས་པ་ཅན། །སྦྱིན་པ་ཅུང་ཟད་མ་བཏང་དེས། །བདག་
D1.001.0256a06.01ཅག་{ཡི་དགས་,ཡི་དྭགས་}འཇིག་རྟེན་ལྷགས། །གྲོ་བཞིན་སྐྱེས་ཁྱོད་བསོད་ནམས་ཀྱི་མཐུ་ཆེན་པོ་དང་ལྡན་གྱིས་སོང་ཤིག །{ཡི་དགས་,ཡི་དྭགས་}ཀྱི་གྲོང་ཁྱེར་དུ་ཞུགས་པ་ལ་གསོན་པོར་འགྲོ་བ་འགའ་ཡང་ཁྱོད་ཀྱིས་མཐོང་བ་ཡོད་དམ། དེ་སོང་བ་དང་། ཇི་ཙམ་ན་སྐྱེས་བུ་
D1.001.0256a07.01