完整藏文原文 · 德格版页 当前仅加载第 1 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་སྤྲོ་སྟེ། དེའི་སླད་དུ་དགེ་སློང་
D1.001.0135b01.01མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོ་ཞིང་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོ་ཞིང་། དགེ་སློང་མིང་འདི་
D1.001.0135b02.01ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོས་
D1.001.0135b03.01ཤིང་། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་དེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་ངས་དགེ་སློང་སྤོང་བའི་ཞལ་ཏ་བྱེད་པའི་ཀུན་དུ་སྤྱོད་པའི་ཆོས་རྣམས་བཅའ་བར་བྱ་སྟེ། དགེ་སློང་སྤོང་བའི་ཞལ་ཏ་བྱེད་པས་
D1.001.0135b04.01སྤོང་ཁང་དུ་ཆག་ཆག་གདབ་པར་བྱའོ། །ཕྱག་དར་བྱའོ། །ལྕི་བ་སར་པའི་བྱུག་པས་བསྐུ་བར་བྱའོ། །སྟན་བཤམ་པར་བྱའོ། །བཤང་བའི་ས་དང་གཅི་བའི་ས་བྱི་དོར་བྱའོ། །ཆག་ཆག་གདབ་པར་བྱའོ། །ཕྱག་དར་བྱའོ། །ལྕི་བ་སར་པའི་བྱུག་པས་བསྐུ་བར་བྱའོ། །ལོ་མའི་
D1.001.0135b05.01ཆང་བུ་གཞག་པར་བྱའོ། །བོང་རྡོག་དང་། ས་དང་། ཆུ་གཞག་པར་བྱའོ། །དེ་དག་རེ་རེའི་གན་དུ་སོང་སྟེ་འབོད་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རེ་རེ་ནས་བོད་པར་མི་བྱ་བར་གཎྜཱི་བརྡུང་བར་བྱའོ། །དེས་གཎྜཱི་རྒྱ་ཆེར་བརྡུངས་པ་དང་ཇི་ཙམ་ན་སྤྱོད་ཡུལ་གྱི་གྲོང་མི་རྣམས་ཆོམ་རྐུན་པ་མ་
D1.001.0135b06.01འོངས་སམ་ཞེས་སྔངས་ནས། དེ་རྣམས་གོ་བགོས་ཏེ་ལྷགས་ནས་འཕགས་པ་དག་ཅི་ཆོམ་རྐུན་པ་དག་མཆིས་སམ། དེ་རྣམས་ཀྱིས་སྨྲས་པ། ཤེས་ལྡན་དག་ཆོམ་རྐུན་པ་དག་མ་ལྷགས་ཏེ། འདི་ལྟར་སྤོང་བ་ལ་ཏྲོན་བྱེད་དོ། །དེ་རྣམས་ཀྱིས་སྨྲས་པ། འཕགས་པ་དག་རྣམ་པར་འཚེ་བ་ལ་
D1.001.0135b07.01