完整藏文原文 · 德格版页 当前仅加载第 1 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
བློས་དུས་མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག །ཉན་པར་འཚལ་བའི་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བརྟན་པ་དང་། །དམ་པ་བཟང་པོ་དག་གིས་བསལ་དུ་གསོལ། །ཚྭ་ཆུའི་རི་བོ་ལྟ་བུར་བརྟན་པའི་མགོན། །
D1.001.0293a01.01རྫོགས་སངས་རྒྱས་རྣམས་བློ་བུར་འཛུམ་མི་སྟོན། །བརྟན་པ་ཅི་སླད་འཛུམ་པ་སྟོན་མཛད་པ། །སྐྱེ་བོ་ཕལ་ཆེ་འདི་དག་དེ་ཉན་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། དེ་དེ་བཞིན་ནོ། །ཀུན་དགའ་བོ་དེ་བཞིན་གཤེགས་པ་
D1.001.0293a02.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་སྟོན་ཏེ། ཀུན་དགའ་བོ་སྨན་པའི་རྒྱལ་པོ་རྒྱུན་ཤེས་ཀྱི་བུ་ཉམས་ཤིང་ཆུད་ཟོས་པར་གྱུར་ཏེ། དེས་དེ་བཞིན་གཤེགས་པ་མང་པོས་བཀུར་བའི་གདུང་རྒྱུད་ནས་བཟུང་སྟེ་སྤྱོད་
D1.001.0293a03.01པ་སྐྱོན་མི་མངའ་བ་ལ་བྲན་མོའི་བུ་ཞེས་སྨྲས་སོ། །དེ་དེང་ནས་ཞག་བདུན་ནས་ཁྲག་དྲོན་དུ་སྐྱུགས་ཏེ་དུས་བྱེད་པར་འགྱུར་ཏེ། ལུས་ཞིག་ནས་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །དགེ་སློང་དག་དེ་ལྟ་བས་ན་རྒྱུན་ཤེས་ཀྱི་བུའམ། རྒྱུན་ཤེས་ཀྱི་བུ་འདྲ་
D1.001.0293a04.01བ་ལ་བསྙེན་བཀུར་བྱེད་དུ་མ་གཞུག་ཅིག །གཞང་འབྲུམ་ཡང་གཅད་པར་མི་བྱའོ། །འོན་ཀྱང་གཞང་འབྲུམ་གྱི་དཔྱད་ནི་རྣམ་པ་གཉིས་ཀྱིས་བྱ་སྟེ། གསང་སྔགས་དང་། སྨན་གྱིས་སོ། །དགེ་སློང་གིས་གཞང་འབྲུམ་གཅོད་དམ། རྒྱུན་ཤེས་ཀྱི་བུའམ། རྒྱུན་ཤེས་ཀྱི་བུ་འདྲ་
D1.001.0293a05.01བ་ལ་བསྙེན་བཀུར་བྱེད་དུ་འཇུག་ན་འགལ་ཚབས་ཅན་དུ་འགྱུར་རོ། །དགེ་སློང་དེ་རྒྱུན་ཤེས་ཀྱི་བུས་ཇི་ལྟར་གནོད་པ་དེ་ཉིད་ཀྱིས་དུས་ལས་འདས་པ་དེ་ལྟ་དེ་ལྟར་བྱས་སོ། །དེ་ནས་བློན་པོ་དག་གིས་རྒྱལ་པོ་གསལ་རྒྱལ་ལ་སྨྲས་པ། ལྷ་རྒྱུན་ཤེས་ཀྱི་བུས་ནི་བཅོམ་ལྡན་འདས་ལ་
D1.001.0293a06.01ཡང་བྲན་མོའི་བུ་ཞེས་ཚིག་ཏུ་སྨྲས་ལ། དགེ་སློང་དེ་ཡང་ཇི་ལྟར་གནོད་པ་དེ་ཉིད་ཀྱིས་དུས་ལས་འདས་པ་དེ་ལྟ་དེ་ལྟར་བགྱིས་སོ། །དེ་ནས་རྒྱལ་པོ་ཆེ་ཐང་དུ་ཁྲོས་ནས་བློན་པོ་རྣམས་ལ་བསྒོ་བ། ཤེས་ལྡན་དག་ངས་སྨན་པའི་རྒྱལ་པོ་རྒྱུན་ཤེས་ཀྱི་བུ་ཡོངས་སུ་བཏང་ཟིན་
D1.001.0293a07.01