完整藏文原文 · 德格版页 当前仅加载第 1 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་བདག་ཁྱོད་ཀྱི་ཐུགས་སུ་འཐད་པར་གྱུར་ན་བདག་ཁྱོད་དང་ལྷན་ཅིག་འགྲོགས་པར་འཚལ་ལོ། །དེས་སྨྲས་པ། ང་དང་ཁྱོད་ལྷན་ཅིག་འགྲོགས་པས་ཅི་བྱས་ཀཱར་ཥཱ་པ་ཎ་ལྔ་བརྒྱ་བྱིན་ལ་བྲན་ལས་དབྱུང་བར་བྱའོ། །དེས་སྨྲས་པ། ཇོ་བོ་བདག་རྒྱངས་བཀུམ་པར་མཆིས་
D1.001.0296b01.01ཀྱང་བྲན་མོ་ཁོ་ན་ལགས་པར་བས་ཀྱིས། གལ་ཏེ་རྗེའི་སྲས་ཁྱོད་དང་ལྷན་ཅིག་འགྲོགས་ན་དེ་ལྟ་ན་(དྲན་,བྲན་)མོར་མི་འགྱུར་ལགས་སོ། །དེས་གལ་གྱིས་འཆུ་བར་ཤེས་ནས་སྨྲས་པ། བུ་མོ་གང་གི་ཚེ་རུང་ཞིང་ཟླ་མཚན་དང་ལྡན་པར་གྱུར་པ་དེའི་ཚེ་ཁོ་བོ་ལ་སྦྲོན་ཅིག །དེས་
D1.001.0296b02.01དུས་གཞན་ཞིག་ན་རུང་ཞིང་ཟླ་མཚན་དང་ལྡན་པར་གྱུར་ནས་དེས་དེ་ལ་སྦྲན་ཏོ། །དེ་ནས་ཁྱིམ་བདག་འབྱོར་པ་དང་དེ་གཉིས་ལྷན་ཅིག་དགའ་མགུར་སྤྱད་པས་དེ་སེམས་ཅན་དང་ལྡན་པར་གྱུར་ཏོ། །གང་གི་ཉི་མ་ལ་སེམས་ཅན་ཞུགས་པར་གྱུར་པའི་ཉི་མ་དེ་ཁོ་ན་ནས་བཟུང་
D1.001.0296b03.01ནས་ཁྱིམ་བདག་འབྱོར་པའི་ནོར་ཐམས་ཅད་དང་། ལས་ཀྱི་མཐའ་ཐམས་ཅད་ཡོངས་སུ་རྫོགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ། མདོག་གསེར་འདྲ་བ། མགོ་གདུགས་ལྟར་འདུག་པ།
D1.001.0296b04.01ལག་པ་རིང་བ། འཕྲལ་བའི་དབྱེས་ཆེ་བ། སྨིན་མ་འཇར་བ། སྣའི་གཟངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་ནས་ལྷག་པར་ཁྱིམ་བདག་འབྱོར་པའི་དགོས་པ་ཐམས་ཅད་དང་། ལས་ཀྱི་མཐའ་ཐམས་ཅད་
D1.001.0296b05.01ཡོངས་སུ་རྫོགས་པར་གྱུར་ཏོ། །དེ་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ་ཞེས་བྱ་བ་ནས། གང་པོ་ཞེས་བྱ་བར་གདགས་སོ་ཞེས་དེའི་མིང་གང་པོ་ཞེས་བཏགས་སོ་ཞེས་བྱ་བའི་བར་གོང་མ་བཞིན་ནོ། །ཁྱེའུ་གང་
D1.001.0296b06.01པོ་མ་མ་བརྒྱད་ལ་རྗེས་སུ་གཏད་དེ། དྲི་མ་ཕྱི་བའི་མ་མ་གཉིས་དང་ཞེས་བྱ་བ་ནས་རྒྱས་པར་སྦྱར་ཏེ། རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ་ཞེས་བྱ་བའི་བར་དུའོ། །དེ་ཆེན་པོར་གྱུར་པ་དེའི་ཚེ་ཡི་གེ་དང་། རྩིས་དང་། གྲངས་དང་། ལག་རྩིས་དང་།
D1.001.0296b07.01