完整藏文原文 · 德格版页 当前仅加载第 1 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་པི་ལིན་དའི་བུ་རབ་ཏུ་བྱུང་ཚུན་ཆད་ནས་རྟག་ཏུ་ནད་བུ་ཅན་ཉིད་དུ་གྱུར་ཏོ། །གཉེན་དག་དེའི་དྲུང་དུ་སོང་སྟེ་སོན་པ་དང་། དེས་དེ་དག་ལ་ཆོས་བཤད་དོ། །དེ་དག་གིས་ཚེ་དང་ལྡན་པ་པི་ལིན་དའི་བུ་ལ་ཆོས་མཉན་ནས་བུད་མེད་ཀྱི་གན་དུ་འོངས་ཏེ་སྨྲས་པ། འཕགས་པ་
D1.001.0270b01.01པི་ལིན་དའི་བུས་སྦྲང་རྩི་བཙིར་བ་ལྟ་བུར་ཆོས་སྙན་དགུ་ཞིག་བཤད་དོ། །དེ་དག་གིས་སྨྲས་པ། ཁྱེད་ཅག་གིས་ཚེ་དང་ལྡན་པ་དེ་ལས་ཆོས་མཉན་པ་ནི་སངས་རྒྱས་འབྱུང་བ་འབྲས་བུ་དང་བཅས་པ་ཡིན་ནོ། །ཁྱེད་ཅག་ཀྱང་ཉན་འདོད་ཅིང་བདག་ཅག་དེར་མཆི་བར་ངོ་ཚའོ། །གལ་ཏེ་
D1.001.0270b02.01འཕགས་པ་བདག་ཅག་གི་འདིར་གཤེགས་ཏེ་ཆོས་བཤད་པ་ན་བདག་ཅག་གིས་ཀྱང་དེ་བཞིན་དུ་མཉན་ནོ། །དེ་དག་གིས་སྨྲས་པ། བདག་ཅག་འཕགས་པ་པི་ལིན་དའི་བུའི་ཐད་དུ་སོང་ལ་ཞུ་བར་བྱའོ། །ཞེས་དེ་དག་ཚེ་དང་ལྡན་པ་པི་ལིན་དའི་བུ་གང་ན་བ་དེར་སོང་སྟེ་ཕྱིན་ནས་
D1.001.0270b03.01སྨྲས་པ། འཕགས་པ་པི་ལིན་དའི་བུ་བུད་མེད་དག་ཆོས་ཐོས་པར་འཚལ་ལོ། །དེས་སྨྲས་པ། ཁོ་བོས་བཀག་གམ་ཅི་ཉོན་ཅིག །དེ་དག་གིས་སྨྲས་པ། འཕགས་པ་བུད་མེད་དེ་དག་མཆིར་ངོ་ཚ་ལགས་སོ། །གལ་ཏེ་འཕགས་པ་པི་ལིན་དའི་བུ་དེ་ཉིད་དུ་གཤེགས་ཏེ། །
D1.001.0270b04.01ཆོས་བཤད་ན་དེ་དག་ཉན་པར་འགྱུར་རོ། །དེས་སྨྲས་པ། ཤེས་ལྡན་དག་ཁོ་བོ་ན་བས་རྐང་པས་ནི་འགྲོ་མི་ནུས་སོ། །དེ་དག་གིས་སྨྲས་པ། འཕགས་པ་བཞོན་པས་གཤེགས། བཞིན་{བཟངས་,བཟང་}དག་བཅོམ་ལྡན་འདས་ཀྱིས་རྗེས་སུ་མ་གནང་ངོ་། །སྐབས་དེ་བཅོམ་
D1.001.0270b05.01ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། བཞོན་པས་འགྲོ་བར་བྱའོ། །བཅོམ་ལྡན་འདས་ཀྱིས་བཞོན་པས་འགྲོ་བར་བྱའོ་ཞེས་གསུངས་ནས། ཚེ་དང་ལྡན་པ་པི་ལིན་དའི་བུ་བཞོན་པ་
D1.001.0270b06.01ལ་ཞོན་ནས་ལྷན་ཅིག་གནས་པ་དང་ཉེ་གནས་རྣམས་ཀྱིས་ཡོངས་སུ་བསྐོར་ཅིང་དོང་བ་དྲུག་སྡེ་རྣམས་ཀྱིས་མཐོང་ནས་དེ་དག་གིས་དྲིས་པ། ཤེས་ལྡན་དག་འགྲོ་བ་ཕ་བི་སུ་ཞིག །དེ་དག་གིས་སྨྲས་པ། མཁན་པོ་ཡིན་ནོ་ཅི་བཅོམ་ལྡན་འདས་ཀྱིས་བཞོན་པ་རྗེས་སུ་གནང་ངམ།
D1.001.0270b07.01