完整藏文原文 · 德格版页 当前仅加载第 1 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཞང་པོའོ། །དེ་རྣམས་ཀྱིས་སྨྲས་པ། འདི་རྣམས་ཀྱིས་དགྲ་བཅོམ་པ་སྲོག་དང་ཕྲལ་ལམ། དེས་སྨྲས་པ། ཕྲལ་ལོ་ཞེས་ཟེར་བའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D1.001.0129a01.01དག་གང་ཟག་འདི་ནི་དགྲ་བཅོམ་པ་བསད་པ་ཡིན་ཏེ། གང་ཟག་དགྲ་བཅོམ་པ་བསད་པ་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས་དགེ་སློང་དག་ཁྱེད་ཀྱིས་གང་ཟག་དགྲ་བཅོམ་པ་བསད་པ་ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་
D1.001.0129a02.01བར་འདོད་པ་འོངས་ན། དེས་དེ་ལ་དགྲ་བཅོམ་པ་བསད་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད། བསྙེན་པར་རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ།
D1.001.0129a03.01བཙུན་པ་གང་གིས་སྔོན་རབ་ཏུ་ཕྱུང་བ་ན་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ཕྱེ་བ་དེ་གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཚལ་ན། རབ་ཏུ་དབྱུང་བར་བགྱི་འམ་རབ་ཏུ་དབྱུང་བར་མི་བགྱི།
D1.001.0129a04.01ཉེ་བ་འཁོར་རབ་ཏུ་དབྱུང་བར་མི་བྱའོ། །དེ་ལྟ་བས་ན་འགའ་ཞིག་གི་གན་དུ་རབ་ཏུ་དབྱུང་བར་འདོད་པ་འོངས་ན། དེས་དེ་ལ་དགེ་འདུན་གྱི་དབྱེན་བྱས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་
D1.001.0129a05.01རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་གང་གིས་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཚལ་ན།
D1.001.0129a06.01རབ་ཏུ་དབྱུང་བར་བགྱིའམ། རབ་ཏུ་དབྱུང་བར་མི་བགྱི། ཉེ་བ་འཁོར་རབ་ཏུ་དབྱུང་བར་མི་བྱའོ། །དེ་ལྟ་བས་ན་འགའ་ཞིག་གི་གན་དུ་རབ་ཏུ་དབྱུང་བར་འདོད་པ་འོངས་ན། དེས་དེ་ལ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ་ཞེས་དྲི་བར་བྱའོ། །མ་དྲིས་
D1.001.0129a07.01