完整藏文原文 · 德格版页 当前仅加载第 1 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱད་ཟིན་པ་དག་ལ་མགུ་བར་བྱ་བ་དང་གཞི་ནས་མགུ་བར་བྱ་བ་སྦྱིན་པར་བྱའོ་ཞེས་བརྩོན་པ་ཤས་ཆེན་པོ་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ་མཁན་པོ་དང་སློབ་དཔོན་དག་གིས་
D1.001.0065b01.01མགུ་བར་བྱ་བ་དང་གཞི་ནས་མགུ་བར་བྱ་བ་སྤྱད་ཟིན་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང་ཉེ་གནས་རྣམས་ཀྱིས། ཨེ་མའོ་དགེ་འདུན་གྱིས་མཁན་པོ་དང་སློབ་དཔོན་མགུ་བར་བྱ་བ་དང་གཞི་ནས་མགུ་བར་བྱ་བ་སྤྱད་ཟིན་པ་དག་ལ་དབྱུང་བ་སྦྱིན་པར་བྱའོ་ཞེས་བརྩོན་པ་ཤས་
D1.001.0065b02.01ཆེན་པོ་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་ལྷན་ཅིག་གནས་པ་དང་ཉེ་གནས་རྣམས་ཀྱིས་མཁན་པོ་དང་སློབ་དཔོན་དག་ལ་ཇི་ལྟར་བསྒྲུབ་པར་བྱ་བ་དེ་བཞིན་དུ་མཁན་པོ་དང་སློབ་
D1.001.0065b03.01དཔོན་དག་གིས་ཀྱང་ལྷན་ཅིག་གནས་པ་དང་ཉེ་གནས་རྣམས་ལ་བསྒྲུབ་པར་བྱ་སྟེ་ཞུ་བ་ནི་མ་གཏོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་དུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་གནས་པར་ཞལ་གྱིས་བཞེས་སོ། །དེའི་ཚེ་ན་ཚེ་དང་
D1.001.0065b04.01ལྡན་པ་ཉེ་སྡེ་ལྗོངས་སུ་དབྱར་གནས་པར་ཁས་བླངས་ཤིང་དེས་ལོ་གཅིག་ལོན་པ་ན་ལྷན་ཅིག་གནས་པ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་སོ། །དེ་ནས་ཚེ་དང་ལྡན་པ་ཉེ་སྡེ་དབྱར་ཟླ་བ་གསུམ་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་ལོ་གཉིས་
D1.001.0065b05.01ལོན་པ་ལྷན་ཅིག་གནས་པ་ལོ་གཅིག་ལོན་པ་དང་ལྷན་ཅིག་ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་ཉེ་སྡེས་ལྷུང་བཟེད་དང་ཆོས་གོས་མཁོས་སུ་ཕབ་སྟེ་རྐང་པ་གཉིས་
D1.001.0065b06.01བཀྲུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་དགེ་སློང་གློ་བུར་དུ་འོངས་པ་རྣམས་ལ། དགེ་སློང་ཁྱོད་ད་གཟོད་
D1.001.0065b07.01