完整藏文原文 · 德格版页 当前仅加载第 1 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་བཟེད་དང་ཆོས་གོས་ཐོགས་ནས་གནས་པ་ཞེས་བྱ་བའི་གྲོང་དུ་བསོད་སྙོམས་ལ་ཞུགས་ཏེ། ཇི་ཙམ་ན་རིམ་གྱིས་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་
D1.001.0265a01.01པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་
D1.001.0265a02.01དགའ་བོ་སོང་ལ་དེ་བཞིན་གཤེགས་པ་དང་། གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གཅིག་ཏུ་ཁྲི་ཤོམས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ཀྱི་ལྟར་མཉན་ནས། དེ་བཞིན་གཤེགས་པ་
D1.001.0265a03.01དང་གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གཅིག་ཏུ་ཁྲི་བཤམས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པ་དང་གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་
D1.001.0265a04.01ཁང་གཅིག་ཏུ་ཁྲི་བཤམས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པ་ལགས་སོ། །དེ་ནས་བཅོམ་ལྡན་འདས་དང་གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གང་ན་བ་དེར་གཤེགས་ཏེ་བྱོན་ནས། གཙུག་ལག་ཁང་གི་ཕྱི་རོལ་དུ་ཞབས་
D1.001.0265a05.01གཉིས་བཀྲུས་ཏེ་གཙུག་ལག་ཁང་དུ་ཞུགས་ནས་དགོངས་པ་མངོན་དུ་བཞག་སྟེ་བཞུགས་སོ། །ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་ཡང་གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་གཙུག་ལག་ཁང་དུ་ཞུགས་ཏེ་སྐྱིལ་མོ་ཀྲུང་བཅས་ལུས་
D1.001.0265a06.01བསྲང་ནས་དྲན་པ་མངོན་དུ་ཕྱོགས་པར་བཞག་ནས་འདུག་སྟེ། བཅོམ་ལྡན་འདས་དང་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་འཕགས་པའི་མི་སྨྲ་བས་དེའི་མཚན་མོ་འདས་པར་མཛད་དོ། །དེ་ནས་བཅོམ་ལྡན་འདས་ཀྱིས་ནམ་ནངས་སུ་ཉེ་བ་ན་ཚེ་དང་ལྡན་པ་གྲོ་
D1.001.0265a07.01