完整藏文原文 · 德格版页 当前仅加载第 1 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ་སྟེ། དེད་དཔོན་བཅོམ་པས་ནི་ཚོང་པ་རྣམས་བཅོམ་ཞེས་བྱའོ། །བྲན་དང་། སྐྱོང་བ་ལ་སྨྲས་པ། ཁྱེད་གཉིས་ཀྱིས་རྣམ་གྲངས་གང་གིས་ཀྱང་གྲོ་བཞིན་སྐྱེས་རྣ་བ་བྱེ་བ་རི་གཏང་བར་མི་བྱའོ། །དེ་ནས་དུས་གཞན་ཞིག་ན་གྲོ་བཞིན་སྐྱེས་རྣ་བ་བྱེ་བ་རི་དགེ་
D1.001.0254b01.01མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་དག་བྱས་ནས་མའི་གན་དུ་སོང་སྟེ། ཡུམ་བདག་མཆི་ཕྱག་འཚལ་ལོ། །དེས་ངུ་བར་བརྩམས་པ་དང་། དེས་སྨྲས་པ། ཡུམ་ཅིའི་ཕྱིར་བཤུམས། བུ་ཁྱོད་གསོན་པོར་ཁོ་མོ་དང་ནམ་ཞིག་ཕྲད་
D1.001.0254b02.01སྙམ་མོད། དེས་བསམས་པ། བདག་བཀྲ་ཤིས་པར་བྱས་ཏེ། ཆས་པ་ལ་འདི་འདྲ་བའི་བཀྲ་མི་ཤིས་པ་སྨྲའོ་སྙམ་ནས་དེ་མི་བཟོད་པ་སྐྱེས་ཏེ་སྨྲས་པ། ངན་སོང་ལ་ཅིའི་ཕྱིར་མི་གཟིགས། དེས་སྨྲས་པ། བུ་ཁྱོད་ཀྱིས་ངག་གི་ལས་རྩུབ་པོ་བྱུང་གིས་
D1.001.0254b03.01ཉེས་པ་ལ་ཉེས་པར་ཤོགས་ཤིག་དང་། དེས་ན་ལས་དེ་ཉིད་བསྲབས་པ་དང་། ཡོངས་སུ་ཟད་པ་དང་། གཏུགས་པར་འགྱུར་རོ། །དེས་དེ་ལ་ཉེས་པ་ལ་ཉེས་པར་བཟོད་པར་གསོལ་ཏེ། དེ་ནས་གྲོ་བཞིན་སྐྱེས་རྣ་བ་བྱེ་བ་རི་དགེ་མཚན་དང་། བཀྲ་ཤིས་
D1.001.0254b04.01དང་། བདེ་ལེགས་སུ་འགྱུར་བ་བྱས་ནས་ཤིང་རྟ་དང་། ཁུར་དང་། པང་ཚད་དང་། གཟེབ་རྣམས་དང་། རྔ་མོ་རྣམས་དང་། བ་ལང་དང་། བོང་བུ་རྣམས་ལ་ཟོང་མང་པོ་བཀལ་ནས་རྒྱ་མཚོ་ཆེན་པོར་ཆས་ཏེ། དེ་དག་རིམ་གྱིས་གྲོང་དང་། གྲོང་ཁྱེར་
D1.001.0254b05.01དང་། གྲོང་འདབ་དང་། ཚོང་དུས་རྣམས་རྒྱུ་ཞིང་རྒྱ་མཚོ་ཆེན་པོའི་འགྲམ་དུ་ཕྱིན་ནས། རྒྱ་མཚོའི་གྲུ་བོ་ཆེ་ཕུན་སུམ་ཚོགས་པ་ཞིག་བསྒྲུབས་ཏེ། ནོར་བསྒྲུབ་པའི་ཕྱིར་རྒྱ་མཚོ་ཆེན་པོར་ཞུགས་པ་དང་། དེ་རྗེས་སུ་མཐུན་པའི་རླུང་གིས་བདས་ཏེ་རིན་པོ་ཆེའི་
D1.001.0254b06.01གླིང་དུ་ཕྱིན་ཏོ། །དེས་དེར་བརྟགས་བརྟགས་ནས་རིན་པོ་ཆེ་རྣམས་ཀྱིས་གྲུ་བོ་ཆེ་དཔེར་ན་ཏིལ་ལམ། འབྲས་སམ། རྒྱ་ཤུག་གམ། མོན་སྲན་བཞིན་དུ་བཀང་ནས་དེ་རྗེས་སུ་མཐུན་པའི་རླུང་གིས་བདས་ཏེ་གྲུ་བོ་ཆེ་ཉེ་ཞོ་མེད་པར་འཛམ་བུའི་གླིང་དུ་ཕྱིན་ནས་ཚོང་པ་དེ་དག་རྒྱ་མཚོའི་
D1.001.0254b07.01