完整藏文原文 · 德格版页 当前仅加载第 1 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྱུག་ལོའི་མཆིལ་ལྷམ་བཅང་བར་མི་བྱའོ། །དེ་དག་རྩྭ་མུན་ཛའི་མཆིལ་ལྷམ་འཆང་བ་དང་། དེ་ཉིད་ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩྭ་མུན་ཛའི་མཆིལ་ལྷམ་བཅང་བར་མི་བྱའོ། །དེ་དག་སྲད་བུའི་མཆིལ་
D1.001.0273a01.01ལྷམ་འཆང་བ་དང་། དེ་ཉིད་ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྲད་བུའི་མཆིལ་ལྷམ་བཅང་བར་མི་བྱའོ། །དགེ་སློང་དག་དྲེག་གིས་བཏབ་སྟེ། དེ་དག་ཤུ་བ་བྱུང་བས་ཀོ་བའི་མཆིལ་ལྷམ་རླན་པར་གྱུར་པའི་སྐབས་དེ་བཅོམ་
D1.001.0273a02.01ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དྲེག་གིས་ཐེབས་པ་གང་ཡིན་པ་དེས་སྲད་བུའི་མཆིལ་ལྷམ་བཅང་བར་བྱའོ། །གང་གི་ཚེ་གྲོ་བཞིན་སྐྱེས་བྱེ་བ་ཉི་ཤུ་པ་རབ་ཏུ་བྱུང་བ་དེའི་ཚེ་དེའི་རྐང་མཐིལ་ལ་གསེར་གྱི་ཁ་དོག་འདྲ་
D1.001.0273a03.01བའི་སྤུ་སོར་བཞི་ཙམ་ཡོད་པ་དེ་དྲུག་སྡེ་དག་གིས་མཐོང་ངོ་། །མཐོང་ནས་ཀྱང་དེ་དག་གིས་སྨྲས་པ། དགའ་བོ་ཉེ་དགའ་རེ་ཞིག་མར་སར་གྱི་གོང་བུ་འདྲ་བ་འདི་གཅིག་ཏུ་བརྩོན་པས་བསྟན་པ་ལ་རབ་ཏུ་བྱུང་ནས་ཅི་ཞིག་བྱེད་ཅེས་སྨྲས་པ་དེས་ཐོས་སོ། །དེས་ཐོས་ནས་ང་
D1.001.0273a04.01རྒྱལ་སྐྱེས་ཏེ་ཚེ་དང་ལྡན་པ་ཀུན་དགའ་བོའི་དྲུང་དུ་སོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོ་ལ་དྲིས་པ། བཙུན་པ་ཀུན་དགའ་བོ་བཅོམ་ལྡན་འདས་ཀྱིས་གཅིག་ཏུ་བརྩོན་པས་བསྟན་པ་ལ་ཏིང་ངེ་འཛིན་ཡུན་རིང་དུ་གནས་པར་གསུངས་པ་གང་ལགས། ཚེ་དང་ལྡན་པ་གྲོ་བཞིན་
D1.001.0273a05.01སྐྱེས་འཆག་པས་ཐོབ་པ་ཡིན་ནོ། །དེ་བསིལ་བའི་ཚལ་གྱི་དུར་ཁྲོད་དུ་སོང་ནས་འཆག་ས་བཅས་སོ། །དེ་འཆག་པ་ན་སྤུ་གསེར་གྱི་ཁ་དོག་འདྲ་བ་སོར་བཞི་ཙམ་པོ་དག་ཀྱང་ཟད་དོ། །དེའི་འོག་ཏུ་པགས་པ་རྡོལ། དེའི་འོག་ཏུ་ཁྲག་བྱུང་སྟེ། དེ་ཇི་སྲིད་འཆག་སའི་མགོ་
D1.001.0273a06.01གཅིག་ནས་ཅིག་ཤོས་སུ་སོང་གི་བར་དུ་དེའི་འཆག་སའི་མགོ་གཅིག་ན་ཡང་ཁྭ་དག་ཁྲག་འཐུང་ལ་གཉིས་པ་ན་ཡང་འཐུང་ངོ་། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་བཞུགས་ཤིང་འཚོ་ལ་གཞེས་པ་ནི་དུས་དུས་སུ་ཆུ་བོར་རྒྱུ་བ་སྤྱོད་དོ། །ཞེས་བྱ་བའི་བར་དུ་རྒྱས་
D1.001.0273a07.01