完整藏文原文 · 德格版页 当前仅加载第 1 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ལུང་ནོད་པ་གང་ལགས་པ་དེ་ནི་རེག་པ་གདུག་པ་ལགས་སོ། །བདག་གཅིག་པུ་ནི་མཆེ་བ་གདུག་པ་ལགས་སོ། །དེ་ནས་ཚེ་དང་ལྡན་པ་དགེ་འདུན་འཚོ་སྐྲག་ནས་བསམས་པ། བདག་ཁོ་བོ་དགྲ་བོ་རྣམས་ཀྱི་ནང་ན་འདུག་པ་ལྟ་སྙམ་ནས། དེ་སྐྱ་བོ་
D1.001.0104a01.01བསེང་བསེང་པོ། རིད་པ་དང་། ཉམ་ཆུང་བ་དང་། རྐེ་བ་དང་སྐམ་པ་དང་ལུས་མ་ཐོབ་པར་གྱུར་ཏོ། །ཀླུ་སྤྲུལ་པས་སྨྲས་པ། འཕགས་པ་ཁྱོད་ཅིའི་སླད་དུ་སྐྱ་བོ་བསེང་བསེང་པོ། །རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་
D1.001.0104a02.01གྱུར། དེས་སྨྲས་པ། ཁོ་བོ་ནི་དགྲ་བོ་རྣམས་ཀྱི་ནང་ན་འདུག་སྟེ་གང་གི་ཚེ་ཁྱེད་ཅག་ལས་གང་ཡང་རུང་བ་ཞིག་འཁྲུགས་པར་གྱུར་པ་དེའི་ཚེ་ན་ཁོ་བོ་མིང་ཙམ་ཞིག་ལུས་པར་འགྱུར་རོ། །དེས་སྨྲས་པ། བདག་ཅག་འཕགས་པ་ལ་གནོད་པ་མི་བགྱིད་དེ། འདི་ལྟར་
D1.001.0104a03.01འཕགས་པ་སླར་འཛམ་བུའི་གླིང་དུ་གཤེགས་བཞེད་དམ་ཅི། དེས་སྨྲས་པ། བཞིན་{བཟངས་,བཟང་}ཁོ་བོ་འདི་ན་དགའ་བ་མེད་པས་འགྲོ་འདོད་དོ། །དེ་ནས་ཀླུ་དེ་རྣམས་ཀྱིས་ཕན་ཚུན་གྲོས་བྱས་ཏེ། གང་གི་ཚེ་གྲུ་བོ་ཆེ་དེ་ཕྱོགས་དེར་འོངས་པ་དེའི་ཚེ་ན་འཕགས་པ་དགེ་འདུན་
D1.001.0104a04.01འཚོ་བཏེག་སྟེ་གྲུ་བོ་ཆེའི་ནང་དུ་བཞག་གོ། །དེ་ནས་ཚོང་པ་དེ་དག་འཛུམ་པ་སྔོན་དུ་བཏང་སྟེ་ཡ་མཚན་སྐྱེས་ནས་མིག་ཚུགས་སུ་ལྟ་ཞིང་སྨྲས་པ། འཕགས་པ་དགེ་འདུན་འཚོ་བྱོན་པ་ལེགས་སོ། །བྱོན་པ་ལེགས་སོ་དེས་སྨྲས་པ། ཤེས་ལྡན་དག་ཁོ་བོས་ནི་ཀླུའི་
D1.001.0104a05.01གནས་སུ་ཀླུ་རྣམས་ལ་ལུང་བཞི་པོ་དག་རབ་ཏུ་གནས་པར་བྱས་ཀྱིས་རྗེས་སུ་ཡི་རང་བར་གྱིས་ཤིག །དེ་དག་གིས་སྨྲས་པ། འཕགས་པ་འདི་ལྟ་སྟེ། གཞན་ལ་ཕན་འདོགས་པ་འདི་ནི་སྟོན་པའི་བསྟན་པ་ལ་རབ་ཏུ་བྱུང་བས་བགྱི་བ་ལགས་ཏེ་རྗེས་སུ་ཡི་རང་ངོ་། །དེ་
D1.001.0104a06.01ནས་ཚོང་པ་དེ་དག་ཚེ་དང་ལྡན་པ་དགེ་འདུན་འཚོ་དང་ལྷན་ཅིག་ཚོགས་ཤིང་ཀུན་དགའ་བཞིན་དུ་མཐར་གྱིས་རྒྱ་མཚོའི་འགྲམ་དུ་ཕྱིན་ཏོ། །ཇི་ཙམ་ན་ཐམས་ཅད་ངལ་ཞིང་དུབ་པས་གཉིད་ལོག་པ་ན་ཚེ་དང་ལྡན་པ་དགེ་འདུན་འཚོ་ཡང་རྒྱ་མཚོ་ཆེན་པོ་ལ་བལྟ་བར་བརྩམས་སོ། །
D1.001.0104a07.01