完整藏文原文 · 德格版页 当前仅加载第 1 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཡང་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་བཞིའམ་ལྷག་པ་དག་འདུག་
D1.001.0220a01.01ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང་། གཉུག་མར་གནས་པའི་རྟགས་དང་། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་ཁར་བའི་སྒྲ་དང་། རྟིང་སྒྲ་དང་། སྐད་སེལ་བའི་སྒྲ་དང་།
D1.001.0220a02.01ལྡེ་མིག་གི་སྒྲ་དང་། ལྡེ་མིག་ཀྱོག་པོའི་སྒྲ་དང་། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་
D1.001.0220a03.01ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན་དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ནི་འགལ་
D1.001.0220a04.01ཚབས་ཅན་དུ་མི་འགྱུར་རོ།། །།བར་སྡོམ་ལ། དབྱེན་དང་ཡིད་གཉིས་མི་མཐུན་དང་། །རྟོག་དང་མ་རྙེད་རྙེད་པའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་དང་བཅས་པའི་གནས་ནས་དགེ་སློང་དང་བཅས་པའི་གནས་གང་ན། དགེ་སློང་ཡོངས་སུ་
D1.001.0220a05.01དག་པ་ལྟ་བ་མཐུན་པ་དག་འཁོད་པར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་དང་བཅས་པའི་གནས་ནས་དགེ་སློང་དང་བཅས་པའི་གནས་གང་ན། དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། འཐབ་མོ་བྱེད་པ། འཐབ་
D1.001.0220a06.01པར་བྱེད་པ། རྩོད་པའི་གཞི་བྱེད་པ་དག་འཁོད་པར་གནོད་པ་བྱུང་བ་དང་། དགེ་འདུན་ཐམས་ཅད་དེར་འགྲོ་བ་མ་གཏོགས་པར་འགྲོ་བར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་དང་བཅས་པའི་གནས་ནས་དགེ་སློང་དང་བཅས་པའི་གནས་དང་།
D1.001.0220a07.01