完整藏文原文 · 德格版页 当前仅加载第 1 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དགེ་སློང་གང་གིས་ཀྱང་དབྱར་གྱི་ནང་ལོགས་སུ་དགེ་སློང་ལ་ཚུལ་ཁྲིམས་ཉམས་ཤེའམ། ལྟ་བ་ཉམས་ཤེའམ། སྤྱོད་པ་ཉམས་ཤེའམ། འཚོ་བ་ཉམས་ཞེས་གླེང་བར་མི་བྱ་དྲན་པར་མི་བྱའོ། །བདག་ཅག་གི་ནང་ན་གང་གིས་ཆུ་རའི་བུམ་པ་འམ།
D1.001.0222a01.01ཁྲུས་ཀྱི་བུམ་པ་སྟོང་པ་སྐམ་པོ་ཆུ་མེད་པར་མཐོང་ན། གལ་ཏེ་གཅིག་པུས་ནུས་པར་གྱུར་ན་གཅིག་པུ་དེས་བཀང་ལ་གནས་ཇི་ལྟ་བ་བཞིན་དུ་གཞག་པར་བྱའོ། །གལ་ཏེ་གཅིག་པུས་མི་ནུས་པར་གྱུར་ན་དགེ་སློང་ཅིག་ཤོས་ལ་ལག་བརྡའི་སྒྲ་བྱས་ཏེ་ལག་རུབ་ཀྱིས་གནས་
D1.001.0222a02.01ཇི་ལྟ་བ་བཞིན་དུ་བཞག་ནས་གཅིག་ལ་གཅིག་མི་སྨྲ་བར་ཁ་རོག་སྟེ་འགྲོ་བར་བྱའོ་ཞེས་དེ་ལྟ་བུའི་ཁྲིམས་སུ་བཅའ་བ་དག་བྱས་ནས་ལྗོངས་སུ་དབྱར་གནས་པར་དམ་བཅས་སོ། །དེ་ནས་དགེ་སློང་རབ་ཏུ་མང་པོ་དབྱར་ཟླ་བ་གསུམ་འདས་ནས་ཆོས་གོས་བྱས་པ་དང་ལྡན། ཆོས་
D1.001.0222a03.01གོས་ཟིན་པ་དང་ལྡན་ནས་ལྷུང་བཟེད་དང་ཆོས་གོས་ཐོགས་ཏེ། ཕན་ཚུན་མི་སྨྲ་བར་མཉན་ཡོད་ག་ལ་བ་དེ་ལོགས་སུ་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་དང་། མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོས་ལྷུང་བཟེད་དང་ཆོས་གོས་མཁོས་སུ་ཕབ་སྟེ།
D1.001.0222a04.01རྐང་པ་གཉིས་བཀྲུས་ནས། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནི་གློ་བུར་དུ་ལྷགས་པའི་དགེ་སློང་རྣམས་ལ་སོ་སོར་
D1.001.0222a05.01ཡང་དག་པར་དགའ་བར་མཛད་པ་འདིས་སོ་སོར་ཡང་དག་པར་དགའ་བར་མཛད་དེ། དགེ་སློང་དག་ཁྱེད་གང་ནས་འདིར་འོངས། ཁྱེད་གང་དུ་དབྱར་གནས་པར་དམ་བཅས་ཞེས་བྱ་བ་སྟེ། སངས་རྒྱས་བཅོམ་ལྡན་འདས་ཀྱིས་གློ་བུར་དུ་འོངས་པའི་དགེ་སློང་རྣམས་ལ་དགེ་སློང་
D1.001.0222a06.01དག་ཁྱེད་གང་ནས་འདིར་འོངས། ཁྱེད་གང་དུ་དབྱར་གནས་པར་དམ་བཅས་ཞེས་སོ་སོར་ཡང་དག་པར་དགའ་བར་མཛད་པ་དང་། བཙུན་པ་བདག་ཅག་ལྗོངས་ཤིག་ནས་ད་གཟོད་འདིར་མཆིས་ཏེ། བདག་ཅག་ལྗོངས་ཤིག་ཏུ་དབྱར་གནས་པར་དམ་བཅས་ལགས་སོ། །
D1.001.0222a07.01