完整藏文原文 · 德格版页 当前仅加载第 1 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན་བདག་གིས་འདིར་ནོར་གྱི་གཏེར་ཞིག་མཐོང་བས། གནས་འདིར་བདག་དབྱར་གནས་ན་གཞི་དེས་བདག་གི་སྲོག་གི་བར་ཆད་དང་། དགེ་སྦྱོང་གི་ཚུལ་གྱི་བར་ཆད་
D1.001.0246b01.01དང་། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ་གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གི་དྲུང་དུ་གཉེན་
D1.001.0246b02.01དག་འོངས་ནས་མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་ཁྱོད་ཅིའི་ཕྱིར་མགོ་བྲེགས་ཤིང་ལྷུང་བཟེད་ལག་ཏུ་ཐོགས་ཏེ། རིགས་ཀྱི་གྲོང་ནས་གྲོང་དུ་རྒྱུ་ཞིང་གོས་ངུར་སྨྲིག་གྲང་མོ་འདིས་ཀྱང་ལུས་གདུང་བར་བགྱི། འཕགས་པ་ཁྱོད་ཚུར་སྤྱོན།
D1.001.0246b03.01འདོད་པ་ལ་ཡོངས་སུ་སྤྱོད་ཅིག །སྦྱིན་པ་དག་སྩོལ་ཅིག །བསོད་ནམས་དག་གྱིས་ཤིག །དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་གནས་འདིར་དབྱར་གནས་པར་དམ་བཅས་པས་བདག་གི་དྲུང་དུ་གཉེན་དག་འོངས་ནས་མི་
D1.001.0246b04.01འཚམ་པའི་གསོལ་བས་གསོལ་བ་འདེབས་ཏེ། འཕགས་པ་ཁྱོད་ཅིའི་ཕྱིར་མགོ་བྲེགས་ཤིང་ལྷུང་བཟེད་ལག་ཏུ་ཐོགས་ཏེ། རིགས་ཀྱི་གྲོང་ནས་གྲོང་དུ་རྒྱུ་ཞིང་གོས་ངུར་སྨྲིག་གྲང་མོ་འདིས་ཀྱང་ལུས་གདུང་བར་བགྱི། འཕགས་པ་ཁྱོད་ཚུར་སྤྱོན། འདོད་པ་ལ་
D1.001.0246b05.01ཡོངས་སུ་སྤྱོད་ཅིག །སྦྱིན་པ་དག་སྩོལ་ཅིག །བསོད་ནམས་དག་གྱིས་ཤིག་ཅེས་ཟེར་ཏེ། གལ་ཏེ་གནས་འདིར་བདག་དབྱར་གནས་ན་གཞི་དེས་བདག་གི་སྲོག་གི་བར་ཆད་དང་། དགེ་སྦྱོང་གི་ཚུལ་གྱི་བར་ཆད་དང་། ཚངས་པར་སྤྱོད་པའི་བར་ཆད་དུ་འགྱུར་གྱིས་
D1.001.0246b06.01མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ་གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་རྒྱལ་པོ་དཔུང་གི་ཚོགས་ཡན་ལག་བཞི་གོ་བསྐོན་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟ་པའི་
D1.001.0246b07.01