完整藏文原文 · 德格版页 当前仅加载第 1 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
བཅའ་བར་གསོལ། བཅོམ་ལྡན་འདས་ཀྱིས་ཙམ་པའི་ཀླུའི་ཆུང་མ་ལ་ཅང་མི་གསུང་བས་གནང་ངོ་། །དེ་ནས་ཙམ་པའི་ཀླུའི་ཆུང་མ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་
D1.001.0289a01.01བྱས་ཏེ་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་དེ་ཉིད་ཀྱི་མཚན་མོ་འདས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་
D1.001.0289a02.01མདང་སུམ་ངའི་སྤྱན་སྔར་ཙམ་པའི་ཀླུའི་ཆུང་མ་མཚན་མོ་འདས་ནས་ཁ་དོག་འཕགས་པས་གང་ན་བ་དེར་འོངས་ཏེ་ཕྱིན་ནས་ངའི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །དེའི་ཚེ་ཙམ་པའི་ཀླུའི་ཆུང་མའི་ཁ་དོག་གི་མཐུས་དྲང་སྲོང་གར་གའི་རྫིང་གི་
D1.001.0289a03.01ཉེན་ཀོར་ཐམས་ཅད་སྣང་བ་རྒྱ་ཆེན་པོས་ཁྱབ་པར་བྱས་སོ། །ཙམ་པའི་ཀླུའི་ཆུང་མ་ཕྱོགས་གཅིག་ཏུ་འདུག་ནས་ང་ལ་འདི་སྐད་ཅེས་གསོལ་ཏོ། །བཙུན་པ་བདག་གི་སྡུམ་ཐབ་དད་པ་བཟང་བ་དགེ་བའི་བསམ་པ་ཅན་དེ་ཚེས་བརྒྱད་དང་བཅུ་བཞི་ལ་རང་གི་གནས་ནས་བྱུང་སྟེ་ཡན་
D1.001.0289a04.01ལག་བརྒྱད་དང་ལྡན་པའི་བསྙེན་གནས་བླངས་ནས་ལུས་བཏང་སྟེ་མཆིས་ལ། འཇིག་རྟེན་ན་སེམས་ཅན་དག་གནས་པ་ལ་གནོད་པ་དང་སྐྲག་པ་ཅུང་ཟད་ཀྱང་མི་བགྱིད་པ་མུ་གེའི་དུས་བྱུང་བས་ལས་ལ་མི་ལྟ་བའི་མི་ཕྱུགས་རྫི་རྣམས་དང་། ལུག་རྫི་རྣམས་དང་། རྩྭ་ཐུན་རྣམས་
D1.001.0289a05.01དང་། ཤིང་ཐུན་རྣམས་དང་། ལམ་གྱིས་འཚོ་བ་རྣམས་དང་། ལམ་གོལ་བས་འཚོ་བའི་མི་རྣམས་ཀྱིས་ཀླུའི་ཤ་དུམ་བུ་དུམ་བུར་བཀུམ་ནས་འཚལ་ལོ། །དེ་དག་གིས་འཚལ་བ་དང་། འཕགས་པ་དག་གིས་ཀྱང་གསོལ་བར་བརྩམས་སོ། །འཕགས་པ་རྣམས་ཀྱང་
D1.001.0289a06.01གསོལ་ཏོ་ཞེས་དེ་དག་གིས་ཆེར་བཀུམ་ཞིང་འཚལ་བར་བརྩམས་ན། བདག་གི་སྡུམ་ཐབ་ཀྱིས་ཡུན་ཇི་སྲིད་ཅིག་སྡུག་བསྔལ་མནགས་འཚལ། ཀྱེ་བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་གང་གི་ཕྱིར་འཕགས་པ་དག་ཀླུའི་ཤ་མི་གསོལ་བར་དགོངས་
D1.001.0289a07.01