完整藏文原文 · 德格版页 当前仅加载第 1 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་སྔ་མའི་ཟླ་བ་གསུམ་གནས་སོ་ཞེས་དམ་བཅས་ལ། དེ་དམ་བཅས་པར་སོང་ནས་ཚུལ་ཤིང་ཡང་བླངས། གནས་མལ་ཡང་བླངས། དབྱར་གནས་པར་དམ་ཡང་བཅས་ནས་བྱ་བའི་ཕྱིར་ཞག་བདུན་བྱིན་གྱིས་བརླབས་ལ་
D1.001.0251b01.01མཚམས་ཀྱི་ཕྱི་རོལ་དུ་སོང་བ་ན་དེའི་གནས་དེར་སྔ་མའི་ཟླ་བ་གསུམ་ཡང་ཡིན་ལ། དམ་བཅས་པ་ལ་ཉེས་བྱས་སུ་ཡང་མི་འགྱུར་ཏེ། གལ་ཏེ་བྱ་བ་དེ་ཉིད་ཀྱི་ཕྱིར་དེའི་ཞག་བདུན་འདས་པ་ལ་དབྱར་རལ་བའི་ལྟུང་བ་མེད་དོ། །བྱ་བའི་ཕྱིར་དྲུག་པོ་ཇི་ལྟ་བ་དེ་བཞིན་དུ་བྱ་བ་མ་
D1.001.0251b02.01ཡིན་པ་ཡང་དྲུག་གོ། །སྔ་མ་ཟླ་བ་གསུམ་ཇི་ལྟ་བ་དེ་བཞིན་ཕྱི་མ་ཡང་ཟླ་བ་གསུམ་མོ། །དབྱར་གྱི་གཞི་རྫོགས་སོ།། །།ཀོ་ལྤགས་ཀྱི་གཞིའི་སྡོམ་ལ། ལྔས་ནི་བསྙེན་པར་རྫོགས་པ་དང་། །གནས་མལ་ཆེ་དང་བེའུ་དང་ནི། །བཞོན་པ་ཁྲུས་དང་བ་ལང་འཇུག །
D1.001.0251b03.01ཤིང་ལྷམ་རི་མོ་ཅན་མིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་རྡོ་ཅན་ཞེས་བྱ་བའི་ཡུལ་གྱི་མཐའ་ན་གནས་པ་ཞེས་བྱ་བའི་གྲོང་ན་ཁྱིམ་བདག་སྟོབས་ཀྱི་སྡེ་ཞེས་བྱ་བ་ཕྱུག་པ།
D1.001.0251b04.01ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད།
D1.001.0251b05.01དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱང་བུ་ཕོ་ཡང་མེད། བུ་མོ་ཡང་མེད་ནས། ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་བདག་ལ་བུ་ཕོ་ཡང་མེད། བུ་མོ་ཡང་མེད་པས་ནོར་རྫས་འདི་རྙེད་བདག་གིས་
D1.001.0251b06.01ཁྱིམ་དུ་བསགས་ཀྱང་། བདག་ཤི་ནས་བདོག་པ་ཐམས་ཅད་བདག་ལ་བུ་མེད་དོ་ཞེས་ནས་རྒྱལ་པོས་དབང་བྱས་པར་འགྱུར་རོ་སྙམ་དུ་སེམས་ཁོང་དུ་ཆུད་ཅིང་འདུག་གོ། །དེའི་མཛའ་བཤེས་དང་ཉེ་དུ་དང་གཉེན་རྣམས་ཀྱིས་སྨྲས་པ། ཁྱོད་ཅིའི་ཕྱིར་སེམས་ཁོང་དུ་ཆུད་
D1.001.0251b07.01