完整藏文原文 · 德格版页 当前仅加载第 1 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡུལ་ཁ་བ་ཅན་རྣམས་སུ་ལྷམ་སྒྲོ་གུ་ཅན་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་ཇི་ཙམ་གྱིས་ཡུལ་ཁ་བ་ཅན་དུ་བརྗོད་པར་
D1.001.0277a01.01བགྱི། །ཉེ་བ་འཁོར་གང་ན་སྣོད་དུ་ཆུ་འཁྱག་པ་ཡིན་ནོ། །དགེ་སློང་གཞན་ཞིག་ལ་རྔོན་པ་ཞིག་དད་པར་གྱུར་ནས། རྔོན་པ་དེས་དོམ་ལྤགས་ཤིག་རྙེད་པ་དགེ་སློང་དེ་ལ་ཕུལ་བ་དང་དེས་མ་བླངས་སོ། །དེས་དགེ་སློང་དེའི་ཕྱི་བཞིན་འབྲང་ཞིང་སྨྲས་པ། འཕགས་པ་
D1.001.0277a02.01བདག་གིས་དོམ་ལྤགས་རྙེད་པ་ཁྱོད་ལ་འབུལ་གྱིས་བཞེས་ཤིག །དགེ་སློང་དེས་མ་བླངས་སོ། །བཅོམ་ལྡན་འདས་ཀྱང་ཕྱོགས་དེར་གཤེགས་ཏེ། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས་མཁྱེན་བཞིན་དུ་རྨེད་དེ། སངས་རྒྱས་བཅོམ་ལྡན་
D1.001.0277a03.01འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་དགེ་སློང་འོ་ནིའི་ཕྱི་བཞིན་དུ་རྔོན་པ་ཕ་བི་ཅི་སྟེ་འབྲང་། བཙུན་པ་རྔོན་པ་དེས་དོམ་ལྤགས་ཤིག་རྙེད་ནས། དེས་དགེ་སློང་འོ་ནི་ལ་སྩལ་པ་ལས། དགེ་སློང་གིས་དེ་མ་བླངས་པ་དང་རྔོན་པ་དེ་དགེ་སློང་འོ་ནིའི་ཕྱི་བཞིན་འབྲང་
D1.001.0277a04.01ཞིང་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རྔོན་པ་དད་པ་ཅན་ནི་དཀོན་ཏེ། གལ་ཏེ་བརྒྱའམ་སྟོང་ཞིག་དང་ཕྲད་ན་ཐམས་ཅད་གསོད་པ་ཡིན་པས། དེ་བས་ན་གལ་ཏེ་རྔོན་པས་དོམ་ལྤགས་བྱིན་ན་བླང་བར་བྱའོ། །བླངས་ནས་དྲི་གཙང་
D1.001.0277a05.01ཁང་གི་སྒོའམ། རྐང་པའི་འོག་ཏུ་གདིང་བར་བྱ་སྟེ། དོམ་ལྤགས་ཐམས་ཅད་ནི་མིག་ལ་ཕན་ནོ། །དགེ་སློང་གཞན་ཞིག་མཆིལ་ལྷམ་རལ་ནས་དེ་ལྷམ་མཁན་གྱི་དྲུང་དུ་སོང་སྟེ་སོན་ནས་སྨྲས་པ། བཞིན་{བཟངས་,བཟང་}བདག་གི་མཆིལ་ལྷམ་རལ་བ་རྒྱུས་ཏེ་བདག་ལ་བྱིན་
D1.001.0277a06.01ཅིག །ལྷམ་མཁན་གྱིས་བསམས་པ། ཤཱཀྱའི་སྲས་ཀྱི་དགེ་སྦྱོང་རྣམས་ནི་རྔན་པ་མེད་པར་འཚོལ་གྱིས་ཡུན་རིང་དུ་བསྒྱངས་པ་དང་། རང་གི་བློ་སླར་ལྡོག་པར་འགྱུར་རོ་སྙམ་ནས། འཕགས་པ་བདག་བྲེལ་གྱིས་སང་སྤྱོན་ཅིག །དགེ་སློང་དེ་ཡང་དང་ཡང་དུ་
D1.001.0277a07.01