完整藏文原文 · 德格版页 当前仅加载第 1 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་དུ་སོན་ནས་དེས་དེ་དང་གྲི་བླངས་ཏེ་ཤིང་དྲུང་དུ་འདུག་ནས་དྲལ་བར་བརྩམས་སོ། །བཅོམ་ལྡན་འདས་ཀྱང་ཕྱོགས་དེར་བྱོན་ནས་དགེ་སློང་ཅི་བྱེད། བཅོམ་ལྡན་འདས་ཀྱིས་རིམ་པ་མང་པོ་ཅན་གྱི་མཆིལ་ལྷམ་བཀག་ན་བདག་ལ་རིམ་པ་མང་པོ་ཅན་འདི་
D1.001.0275a01.01ལྟ་བུ་གྲུབ་སྟེ། རིམ་པ་གཅིག་པར་བགྱིས་ལ་བཅང་བར་བགྱིའོ། །དེ་ནས་བཅོམ་ལྡན་འདས་འདི་སྙམ་དུ་ཨེ་མའོ་ངའི་ཉན་ཐོས་རྣམས་ལ་བྲམ་ཟེ་དང་། ཁྱིམ་བདག་དད་པ་ཅན་དག་གིས་རིམ་པ་མང་པོའི་མཆིལ་ལྷམ་སྟེར་བ་ལྟ་སྙམ་དུ་དགོངས་ནས། དེ་ལྟ་བས་ན་རྗེས་
D1.001.0275a02.01སུ་གནང་སྟེ། མཆིལ་ལྷམ་རིམ་པ་མང་པོ་ཅན་ཁྱིམ་པའི་དམན་མ་ཡིན་ཕན་ཆད་བཅང་བར་བྱའོ། །ཚེ་དང་ལྡན་པ་ཉེ་བ་འཁོར་གྱིས་ཞུས་ཏེ་ཞེས་བྱ་བའི་བར་དུ་སྟེ། བཙུན་པ་བཅོམ་ལྡན་འདས་ཀྱིས་མཆིལ་ལྷམ་རིམ་པ་མང་པོ་ཅན་ཁྱིམ་པའི་དམན་མ་ཡིན་ཕན་ཆད་བཅང་
D1.001.0275a03.01བར་བྱའོ་ཞེས་གསུངས་ན། བཙུན་པ་ཇི་ཙམ་གྱིས་ན་ཁྱིམ་པའི་དམན་མ་ལགས་པར་བརྗོད་པར་བགྱི། ཉེ་བ་འཁོར་ཐ་ན་གོམ་པ་བདུན་ནམ་བརྒྱད་བགོས་པར་གྱུར་ན་ཡང་ཡིན་ནོ། །གླེང་གཞི་ནི་ཡངས་པ་ཅན་ནའོ། །དེའི་ཚེ་ཡངས་པ་ཅན་ན་འདི་ལྟ་བུའི་མཆིལ་
D1.001.0275a04.01ལྷམ་དག་བྱེད་དེ། འདི་ལྟ་སྟེ། ཐྲིག་ཐྲིག །ཚིག་ཚིག་ཆེམ་ཆེམ་ཞེས་ཟེར་བ་ལུག་རུའམ། བྱང་ཆུབ་ཀྱི་ཤིང་གི་ལོ་མ་ལྟ་བུ་ཁྲ་བོ་ཀཱར་ཥཱ་པ་ཎ་ལྔ་རི་བ་དག་བྱེད་དོ། །དྲུག་སྡེ་དག་གིས་མཆིལ་ལྷམ་གོན་པ་ཞིག་མཐོང་ནས་དེ་དག་གི་རྟིང་པ་རྐང་པའི་མཐེ་བོས་མནན་
D1.001.0275a05.01ནས་ལྟག་པ་ནས་ཕུལ་ཏེ་ཁྱོད་ཀྱིས་སྦྱིན་པ་འདི་ཕུལ་བས་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་སངས་རྒྱས་ཉིད་ཐོབ་པར་གྱུར་ཅིག་ཅེས་བྱས་ནས་བླངས་པ་དང་། ཕྱོགས་ཀུན་དུ་འཕགས་པ་དག་ནི་ལྷམ་དེ་ལྟ་བུ་འཕྲོག་གོ། །
D1.001.0275a06.01ཞེས་སྒྲ་གྲགས་སོ། །རྒན་མོ་ཞིག་གི་མག་པ་ཞིག་འོངས་པ་དང་། དེ་ལ་དེས་མཆིལ་ལྷམ་ཞིག་བྱིན་ནས་འཕགས་པ་དག་མཆིལ་ལྷམ་འཕྲོག་གིས་ཇི་ནས་ཀྱང་འཕྲོག་པར་མི་འགྱུར་བར་བག་ཡོད་པར་གྱིས་ཤིག་ཅེས་བསྒོའོ། །ཕྱིས་བསོད་སྙོམས་པ་ཞིག་བསོད་སྙོམས་ཀྱི་ཕྱིར་
D1.001.0275a07.01