完整藏文原文 · 德格版页 当前仅加载第 1 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་པ། གདོན་མི་ཟ་བར་ལྷའམ། ཀླུ་འམ། གནོད་སྦྱིན་ཞིག་ཡིན་ནོ་སྙམ་ནས་བདག་སྐོམ་མོ། །བདག་བཀྲེས་སོ། །དེ་དག་གིས་དེ་ཁྲུས་བྱས་ནས་ཟན་བྱིན་ཏེ། དེ་གཞལ་མེད་ཁང་དུ་ཇི་ཙམ་ཉི་མ་ནུབ་ཀྱི་བར་དུ་འདུག་པ་དང་། དེ་ལ་དེ་དག་
D1.001.0258b01.01གིས་སྨྲས་པ། གྲོ་བཞིན་སྐྱེས་འདིར་ཉེས་དམིགས་དག་འབྱུང་བར་འགྱུར་གྱིས་བྱུང་ཤིག །དེས་ཉེས་དམིགས་དག་མཐོང་བས་བྱུང་སྟེ་མཐའ་གཅིག་ཏུ་འདུག་གོ། །དེའི་འོག་ཏུ་ཉི་མ་ནུབ་ཀའི་དུས་ཀྱི་ཚེ་དེ་ན་གཞལ་མེད་ཁང་ཡང་མི་སྣང་། ལྷ་མོ་དེ་ཡང་མི་
D1.001.0258b02.01སྣང་གི། སྲིན་གྱི་མེད་ཆེན་པོ་ཞིག་བྱུང་སྟེ། དེས་སྐྱེས་པ་དེའི་ལུས་ལ་ལུས་ཀྱིས་ལན་བདུན་དུ་དཀྲིས་ནས་སྟེང་དུ་བྱུང་སྟེ། དེས་ནམ་ཉི་མ་ཤར་བའི་བར་དུ་ཀླད་རྒྱས་ཟ་བར་བྱེད་དོ།། །།འདུལ་བ་གཞི། བམ་པོ་ཉི་ཤུ་གཅིག་པ། དེ་
D1.001.0258b03.01ནས་དེའི་འོག་ཏུ་གཞལ་མེད་ཁང་ཡང་སླར་བྱུང་། ལྷ་མོ་དེ་ཡང་སླར་བྱུང་ནས་སྐྱེས་པ་གཟུགས་བཟང་བ། མཛེས་པ། བལྟ་ན་སྡུག་པ། དཔུང་རྒྱན་དང་། རྣ་ཆ་གདུབ་ཀོར་དང་། བྱུག་པ་དང་། ཕྲེང་བ་སྣ་ཚོགས་ཀྱིས་བརྒྱན་པ་དེ་དང་དེར་ལྷན་ཅིག་རྩེ་བར་བྱེད།
D1.001.0258b04.01དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དེ་དག་གི་དྲུང་དུ་སོང་སྟེ་སོང་ནས་སྨྲས་པ། ཤེས་ལྡན་དག་ཁྱེད་ཅག་སུ་ཞིག །ལས་གང་གིས་འདིར་སྐྱེས། གྲོ་བཞིན་སྐྱེས་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་ཆེས་སོ། །
D1.001.0258b05.01བདག་གིས་མངོན་སུམ་དུ་མཐོང་ན་ཇི་ལྟར་ཡིད་མི་ཆེས་པར་འགྱུར། དེས་སྨྲས་པ། གནས་པའི་གྲོང་ན་བདག་བྲམ་ཟེར་གྱུར་ཏེ། བྱི་བོ་བྱེད་པ་ལས་འཕགས་པ་ཀཱ་ཏྱཱ་ཡ་ན་ཆེན་པོས་བདག་ལ་ཐུགས་བརྩེ་བའི་ཕྱིར་བྱོན་ནས་གསུངས་པ། བཞིན་{བཟངས་,བཟང་}ལས་
D1.001.0258b06.01འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོང་ཤིག་ཅེས་གསུངས་ན། དེ་གསུངས་པ་བཞིན་དུ་བདག་གིས་མ་སྤངས་པ་དང་། དེས་བདག་ལ་སྤོང་དུ་གཞུག་པའི་ཕྱིར་ཡང་དང་ཡང་དུ་བཞིན་{བཟངས་,བཟང་}ལས་
D1.001.0258b07.01