完整藏文原文 · 德格版页 当前仅加载第 1 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་ལྔ་མངོན་སུམ་དུ་བྱས་སོ། །ད་ལྟར་ཡང་འདིས་དགེ་སློང་འདི་ལ་རང་གི་ཤས་བསྙེན་བཀུར་བྱས་སོ། །དགེ་སློང་འདིས་ཀྱང་འདི་ལ་བརྟེན་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་
D1.001.0287b01.01པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། །འདྲེན་མ་རྣམས་ཀྱི་ནི་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ད་ཕྱིན་ཆད་ལས་གཅིག་ཏུ་གནག་པ་རྣམས་དང་འདྲེན་མ་ནི་སྤངས་ལ། ལས་
D1.001.0287b02.01གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །གླེང་གཞི་ནི་མཉན་ཡོད་ནའོ། །དེའི་ཚེ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་གླང་པོ་ཆེ་ཚོ་དགུ་ཁ་དག་གོ། །མུ་གེའི་དུས་བྱུང་བས་བྲམ་ཟེ་དང་། ཁྱིམ་བདག་རྣམས་
D1.001.0287b03.01ཀྱིས་གླང་པོ་ཆེའི་ཤ་བཟའ་བར་བརྩམས་སོ། །དྲུག་སྡེའི་དགེ་སློང་དག་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་སོ། །ཇི་ཙམ་ན་ཁྱིམ་བདག་གཞན་ཞིག་གིས་གླང་པོ་ཆེའི་ཤ་ཕྲུ་བར་བཅུག་སྟེ་འཚེད་ཅིང་འདུག་
D1.001.0287b04.01པའི་ཁྱིམ་དེར་དེ་དག་ཞུགས་པ་དང་། །ཁྱིམ་བདག་གི་ཆུང་མས་སྨྲས་པ། འཕགས་པ་དབུལ་དུ་ཅུང་ཟད་ཀྱང་མ་མཆིས་ཀྱིས་བཞུད་ཅིག །དེ་དག་གིས་སྨྲས་པ། ཕྲུ་བ་འདིའི་ནང་ན་འཚེད་ཅིང་འདུག་ན། འཕགས་པ་འདི་ནི་གླང་པོ་ཆེའི་ཤ་ལགས་ན་ཅི་ཁྱེད་ཅག་
D1.001.0287b05.01ཀྱང་གླང་པོ་ཆེའི་ཤ་གསོལ་ལམ། ཁོ་བོ་ཅག་ནི་འཚོ་བ་ཁྱེད་ཅག་ལ་རག་ལས་པ་ཡིན་པས་གལ་ཏེ་ཁྱེད་ཟ་ན་ཁོ་བོ་ཅག་ལ་ཡང་བྱིན་ཅིག །དེ་དག་ལ་ཕུལ་ནས་དེ་དག་གིས་ལྷུང་བཟེད་ཀྱི་སྣོད་བཀང་སྟེ་ཕྱིར་བྱུང་བ་དགེ་སློང་གཞན་དག་ཅིག་བསོད་སྙོམས་ལ་རྒྱུས་པ་དེ་དག་གིས་
D1.001.0287b06.01མཐོང་ངོ་། །མཐོང་ནས་དྲིས་པ། ཨེ་མའོ་དྲུག་སྡེ་ལྷུང་བཟེད་ཀྱི་སྣོད་ཁེངས་ན་ཅི་ཡིན། དེ་དག་གིས་སྨྲས་པ། གླང་པོ་ཆེའི་ཤ་ཅུང་ཞིག་རྙེད་དོ། །ཅི་ཁྱེད་ཅག་གླང་པོ་ཆེའི་ཤ་ཡང་ཟའམ། ཚེ་དང་ལྡན་པ་དག་མུ་གེའི་དུས་བྱུང་བ་ལ་གལ་ཏེ་གཞན་མ་རྙེད་ན་ཅི་ཁོ་བོ་ཅག་
D1.001.0287b07.01