完整藏文原文 · 德格版页 当前仅加载第 1 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། དེ་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། །མས་ཁྱེའུ་དེ་ཉེ་དུའི་མཐུ་དང་ལག་མཐུས་བསྙོད་ཅིང་གསོས་ཏེ་བསྐྱེད་ནས། དེས་ཁྱེའུ་དེ་ཡིག་དཔོན་ལ་བཅོལ་བ་དང་། ཁྱེའུ་དེའི་ན་ཟླ་རྣམས་ཀྱིས་ནི་ཡིག་འབྲུའི་ཡི་གེ་དག་ལོབས་ནས་ཕྱི་རོལ་གྱི་བསྟན་
D1.001.0080b01.01བཅོས་དག་བཀླག་པར་བརྩམས་སོ། །དེ་ནི་ཡིག་འབྲུའི་ཡི་གེ་དེ་དག་ཉིད་ལ་སློབ་པར་བྱེད་པ་དང་། དེའི་མ་ཡིག་དཔོན་གྱི་གན་དུ་སོང་སྟེ་ཕྱིན་ནས་སྨྲས་པ། ཇོ་བོ་ཁྱེའུ་འདིའི་ན་ཟླ་ཁྱེའུ་དག་གིས་ཁྱོད་ལ་ཅི་འབུལ་བ་དེ་བདག་ཀྱང་ཁྱོད་ལ་འབུལ་ན། ཁྱེའུ་འདིའི་ན་ཟླ་
D1.001.0080b02.01ཁྱེའུ་དག་གིས་ནི་ཡི་གེའི་ཡིག་འབྲུ་དག་ལོབས་ནས་ཕྱི་རོལ་གྱི་བསྟན་བཅོས་དག་བཀླག་པར་བརྩམས་ན། ཁྱེའུ་འདི་ནི་ད་དུང་ཡིག་འབྲུའི་ཡི་གེ་དག་སློབ་པར་བགྱིད་དོ། །དེས་སྨྲས་པ། རྒྱུ་གཉིས་ཀྱིས་རིག་པ་ལོབས་པར་འགྱུར་ཏེ། གང་ལ་བདག་ཉིད་ལས་
D1.001.0080b03.01བྱུང་བའི་ངོ་ཚ་ཤེས་པ་ཡོད་པ་དང་། གང་ལ་ཕྱི་རོལ་ལས་བྱུང་བའི་ཁྲེལ་ཡོད་པ་ཡོད་པས་སོ། །ཁྱེའུ་འདི་ལ་ནི་ངོ་ཚ་ཤེས་པ་ཡང་མེད་ལ། ཁྲེལ་ཡོད་པ་ཡང་མེད་དོ། །འདི་ལྟར་ཁྱོད་ལ་ཡང་ཉེས་པ་ཡོད་དེ། ཁོ་བོས་འདི་གཞུས་པ་ན་ཁྱོད་ཀྱིས་ཤེད་བསྐྱེད་དོ། །
D1.001.0080b04.01དེས་སྨྲས་པ། དེ་དེ་བཞིན་ནོ། །བདག་ལ་ནོངས་པ་དེ་མཆིས་ཏེ། ཁྱོད་ཀྱིས་གཞུས་པ་བདག་གིས་ཤེད་བསྐྱེད་དོ། །དུས་གཞན་ཞིག་ན་དེས་དེ་གཞུས་པ་དང་། དེ་ངུ་ཞིང་མའི་གན་དུ་སོང་ངོ་། །མས་དེ་ལ་སྨྲས་པ། བུ་ཁྱོད་ཅིའི་ཕྱིར་ངུ་། མ་བདག་ཡིག་དཔོན་གྱིས་
D1.001.0080b05.01གཞུས་སོ། །མས་ཀྱང་དེ་གཞུས་པ་དང་ཁྱེའུ་དེས་བསམས་པ། གཉི་གར་ཉེས་དམིགས་བྱུང་སྟེ། སྔོན་ནི་བདག་གནས་གཅིག་ཏུ་གཞུས་ན། ད་ནི་གནས་གཉི་གར་གཞུས་པས་བདག་གིས་གནས་གཉི་གར་གནོད་པ་མི་བཟོད་པས་འབྲོས་སོ་སྙམ་ནས་དེ་རྒྱལ་བྱེད་ཀྱི་ཚལ་
D1.001.0080b06.01དུ་སོང་བ་དང་། དེ་ན་དགེ་ཚུལ་ཞིག་མེ་ཏོག་ཐུ་བ་དེ་དེས་མཐོང་ནས་ཁྱེའུ་དེས་སྨྲས་པ། འཕགས་པ་ཁྱོད་རེ་བདེ། ཅིའི་ཕྱིར། གང་གི་ཕྱིར་ཁྱོད་རབ་ཏུ་བྱུང་བས་སོ། །ཁྱོད་ཅིའི་ཕྱིར་རབ་ཏུ་མི་འབྱུང་། འཕགས་པ་བདག་སུས་རབ་ཏུ་འབྱིན་པར་འགྱུར། དེས་སྨྲས་པ། ཚུར་
D1.001.0080b07.01