完整藏文原文 · 德格版页 当前仅加载第 1 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་རྗེས་སུ་མ་གནང་ངོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་གིས་མཆིལ་ལྷམ་རྩེ་མོ་སྦུ་བུ་བཅང་བར་
D1.001.0276a01.01བྱའོ། །དགེ་སློང་རྣམས་བྱ་རྒོད་ཀྱི་ཕུང་པོའི་རི་ལས་བབས་པ་ན་རྐང་པའི་རྟིང་པ་རྨ་བྱུང་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་ཁྱེད་ཅག་རྣམས་ཀྱི་ཞབས་ཀྱི་རྟིང་པ་ཅི་ཞིག་གིས་རྨ་བྱུང་། བྱ་རྒོད་ཀྱི་ཕུང་པོའི་རི་ལས་བབས་པ་ནའོ། །ཅི་ཁྱེད་
D1.001.0276a02.01ཅག་གིས་མཆིལ་ལྷམ་གྱི་རྟིང་པ་སྦུ་བུ་ཅན་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་
D1.001.0276a03.01སློང་གིས་མཆིལ་ལྷམ་གྱི་རྟིང་པ་སྦུ་བུ་ཅན་བཅང་བར་བྱའོ།། །།སྡོམ་ལ། མགུལ་ཆད་དང་ནི་ཡུའུ་ཐུང་ལྷམ། །ཁ་ཁྲོད་དག་ཏུ་སྒྲོ་གུ་ཅན། །དོམ་གྱི་པགས་པ་གནང་བ་དང་། །སྨྱུང་བུ་འབྲེང་བུ་ཆུ་གྲིའོ། །གླེང་གཞི་ནི་མཉན་ཡོད་ནའོ། །དགེ་སློང་
D1.001.0276a04.01རྣམས་རྩྭའི་མྱུ་གུས་རྐང་པ་རྨ་བྱུང་བ་དག་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་དག་ཁྱེད་ཅག་གི་ཞབས་ཅི་ཞིག་གིས་རྨ་བྱུང་། རྩྭའི་མྱུ་གུས་སོ། །ཅི་ཁྱེད་ཅག་གིས་ལྷམ་མགུལ་ཆད་མ་བཅངས་སམ། བཅོམ་ལྡན་འདས་ཀྱིས་
D1.001.0276a05.01རྗེས་སུ་མ་གནང་ངོ་ཞེས་བྱ་བའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། ལྷམ་མགུལ་ཆད་བཅང་བར་བྱའོ། །གང་གི་ཚེ་རྩྭའི་མྱུ་གུ་དག་ཆེར་སྐྱེས་པ་དེའི་ཚེ་དགེ་སློང་
D1.001.0276a06.01རྣམས་ཀྱི་རྐང་བ་དེ་བས་ཀྱང་རྨ་ཆེར་བྱུང་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། ཁྱེད་ཅག་གི་ཞབས་ཅི་ཞིག་གིས་རྨ་བྱུང་། དེ་རྣམས་ཀྱིས་སྨྲས་པ། རྩྭའི་མྱུ་གུ་དག་ཆེར་སྐྱེས་པས་བདག་ཅག་གི་རྐང་པ་དེ་བས་ཀྱང་རྨ་ཆེར་བྱུང་ངོ་། །འཕགས་པ་རྣམས་ཅི་
D1.001.0276a07.01