完整藏文原文 · 德格版页 当前仅加载第 1 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་དང་མི་མཐུན་པ་གཅིག་དང་། དགག་དབྱེ་གཞག་པ་ཆོས་དང་མཐུན་པ་ལྔ་དང་ཆོས་དང་མི་མཐུན་པ་གཅིག་གོ། །དགག་དབྱེ་གཞག་པ་ཆོས་དང་མཐུན་པ་གཅིག་དང་ཆོས་དང་མི་མཐུན་པ་གཅིག་གང་ཞེ་ན། དགག་དབྱེ་ལན་གཅིག་བཟླས་པ་ལ་
D1.001.0227a01.01བརྗོད་པ་མ་རྫོགས་པར་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ནི་ཆོས་དང་མི་མཐུན་པ་སྟེ། འདི་ནི་དགག་དབྱེ་གཞག་པའི་ཆོས་དང་མཐུན་པ་གཅིག་དང་ཆོས་དང་མི་མཐུན་པ་གཅིག་ཡིན་
D1.001.0227a02.01ནོ། །དགག་དབྱེ་གཞག་པ་ཆོས་དང་མཐུན་པ་གསུམ་དང་ཆོས་དང་མི་མཐུན་པའི་གཅིག་གང་ཞེ་ན། དགག་དབྱེ་ལན་གཉིས་བཟླས་པ་ལ་བཟླས་པ་དང་པོ་བརྗོད་པ་མ་རྫོགས་པར་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་
D1.001.0227a03.01རྫོགས་ནས་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བཟླས་པ་གཉིས་བརྗོད་པ་མ་རྫོགས་པར་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ནི་དགག་དབྱེ་འཇོག་པ་
D1.001.0227a04.01ཆོས་དང་མི་མཐུན་པ་སྟེ། དེ་ལྟར་དེ་དག་ནི་དགག་དབྱེ་འཇོག་པ་ཆོས་དང་མཐུན་པ་གསུམ་དང་ཆོས་དང་མི་མཐུན་པ་གཅིག་ཡིན་ནོ། །དགག་དབྱེ་འཇོག་པ་ཆོས་དང་མཐུན་པ་ལྔ་དང་ཆོས་དང་མི་མཐུན་པ་གཅིག་གང་ཞེ་ན། དགག་དབྱེ་ལན་གསུམ་བཟླས་པ་ལ་བཟླས་པ་
D1.001.0227a05.01དང་པོ་བརྗོད་པ་མ་རྫོགས་པར་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བཟླས་པ་གཉིས་པ་བརྗོད་པ་མ་རྫོགས་པར་དགག་དབྱེ་འཇོག་པ་ཡང་
D1.001.0227a06.01དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བཟླས་པ་གསུམ་པ་བརྗོད་པ་མ་རྫོགས་པར་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །
D1.001.0227a07.01