完整藏文原文 · 德格版页 当前仅加载第 1 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་དགེ་སློང་མའི་བྱ་བ་ཡིན་ནོ། །དགེ་སློབ་མའི་བྱ་བ་གང་ཞེ་ན། དེ་དག་ཐམས་ཅད་དགེ་སློབ་མའི་བྱ་བ་ཡིན་ནོ། །གཞན་ཡང་དགེ་སློབ་མའི་བྱ་བ་འདི་ལྟ་སྟེ། དགེ་སློབ་མས་ལོ་གཉིས་ཀྱི་བར་དུ་བསླབ་པའི་ཆོས་དྲུག་དང་རྗེས་སུ་མཐུན་པའི་ཆོས་དྲུག་བསླབས་ནས་དེས་
D1.001.0244b01.01དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་བསྙེན་པར་རྫོགས་པར་མཛད་དུ་གསོལ། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་སློབ་མའི་བྱ་བའི་ཕྱིར། དགེ་སློང་འགྲོ་བར་བྱ་སྟེ། འདི་ནི་དགེ་སློབ་མའི་བྱ་བ་ཡིན་ནོ། །དགེ་ཚུལ་
D1.001.0244b02.01གྱི་བྱ་བ་གང་ཞེ་ན། དེ་དག་ཐམས་ཅད་དགེ་ཚུལ་གྱི་བྱ་བ་ཡིན་ནོ། །གཞན་ཡང་དགེ་ཚུལ་གྱི་བྱ་བ་གང་ཞེ་ན། འདི་ལྟ་སྟེ། དགེ་ཚུལ་ལོ་ཉི་ཤུ་ལོན་པར་གྱུར་ནས་དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་བསྙེན་པར་རྫོགས་པར་མཛད་དུ་གསོལ་ཚུར་སྤྱོན་
D1.001.0244b03.01ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་ཚུལ་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་ཚུལ་གྱི་བྱ་བ་ཡིན་ནོ། །དགེ་ཚུལ་མའི་བྱ་བ་གང་ཞེ་ན། དེ་དག་ཐམས་ཅད་དགེ་ཚུལ་མའི་བྱ་བ་ཡིན་ནོ། །གཞན་ཡང་དགེ་ཚུལ་མའི་བྱ་བ་འདི་ལྟ་སྟེ། དགེ་
D1.001.0244b04.01ཚུལ་མ་ཁྱིམ་སོ་བཟུང་བ་ལོ་བཅུ་གཉིས་ལོན་པའམ། གཞོན་ནུ་མ་ལོ་{བཅྭ་,བཅོ་}བརྒྱད་ལོན་ནས་དེས་དགེ་སློང་དག་ལ་ཕོ་ཉ་བཏང་སྟེ། འཕགས་པ་དག་ལོ་གཉིས་ཀྱི་བར་དུ་ཆོས་དྲུག་དང་རྗེས་སུ་མཐུན་པའི་ཆོས་དྲུག་གི་བསླབ་པ་སྩལ་དུ་གསོལ་ཚུར་སྤྱོན་ཅིག་ཅེས་སྤྲིང་ན། ཞག་བདུན་
D1.001.0244b05.01བྱིན་གྱིས་བརླབས་ལ་དགེ་ཚུལ་མའི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་ཚུལ་མའི་བྱ་བ་ཡིན་ནོ།། །།སྡོམ་ལ། ཁ་ཟས་སྨན་དང་གཡོག་དང་ནི། །བུད་མེད་སྐྱེས་པ་མ་ནིང་དང་། །མཚན་མ་གཏེར་དང་གཉེན་དག་དང་། །བར་ཆད་ཀྱིས་ནི་འགྲོ་བྱ་བའོ། །འདི་
D1.001.0244b06.01ལྟར་ཡང་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན་བདག་ལ་བསོད་སྙོམས་སྟེར་བ་ནི་འགའ་ཡང་མེད་དེ། བདག་གིས་བསོད་སྙོམས་མ་རྙེད་པས་བདག་ཉོན་མོངས་པའམ་ཤི་ན་བདག་གི་མ་ཐོབ་པ་
D1.001.0244b07.01