完整藏文原文 · 德格版页 当前仅加载第 1 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དགེ་སློང་འདི་བདག་ཅག་གི་ཚངས་པ་མཚུངས་པར་སྤྱོད་པ་ཡིན་གྱིས་འདི་ཐོང་ཤིག་ཅེས་སྤྲིང་ཤིག །གལ་ཏེ་བཏང་ན་ལེགས། ཅི་སྟེ་མ་བཏང་ན་ཕོ་ཉ་གཉིས་པ་གཏང་བར་བྱ་སྟེ། དགེ་སློང་འདི་བདག་ཅག་རྣམས་དང་ལྷན་ཅིག་ཏུ་བགྱི་བ་ཅུང་ཞིག་མཆིས་ཀྱིས་
D1.001.0233b01.01འདི་ཐོང་ཤིག་ཅེས་སྤྲིང་ཤིག །གལ་ཏེ་བཏང་ན་ལེགས། ཅི་སྟེ་མ་བཏང་ན་དགེ་སློང་རྣམས་དཀྱིལ་འཁོར་གྱི་ནང་དུ་ཞུགས་ལ་དགག་དབྱེ་བྱའོ། །དེའི་འོག་ཏུ་ཕྱི་དེ་ཉིན་པར་ནས་དགེ་སློང་དེ་ཐར་བར་བྱ་བའི་ཕྱིར་བརྩོན་པར་བྱའོ། །གལ་ཏེ་བརྩོན་པར་བྱས་ན་ལེགས།
D1.001.0233b02.01ཅི་སྟེ་བརྩོན་པར་མ་བྱས་ན་འགལ་ཚབས་ཅན་དུ་འགྱུར་རོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དགེ་སློང་གིས་ལྟུང་བ་དྲན་ན། དགེ་སློང་དེས་ལྟུང་བ་དེ་དགེ་སློང་གི་མདུན་དུ་ཆོས་བཞིན་དུ་གྱིས་ལ་དེའི་འོག་ཏུ་དགག་དབྱེ་བྱའོ། །དགག་དབྱེ་ནི་འདི་ལྟར་བྱ་སྟེ།
D1.001.0233b03.01ངས་དགག་དབྱེའི་བར་ཆད་དུ་འགྱུར་བ་མི་སྨྲས་ཞེས་བྱ་བ་སྔར་གསོ་སྦྱོང་གི་གཞིར་ཇི་སྐད་བསྟན་པ་བཞིན་བཅུ་ཚན་རྒྱས་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དགེ་སློང་གིས་ལྟུང་བ་ཤེས་ལ་ཅི་སྟེ་ཕས་ཕམ་པ་བྱུང་བར་ཤེས་ན་བསྐྲད་ལ་དགག་དབྱེ་བྱའོ། །
D1.001.0233b04.01གལ་ཏེ་དགེ་འདུན་ལྷག་མ་བྱུང་བར་ཤེས་ན་བྱིན་གྱིས་བརླབས་ནས་དགག་དབྱེ་བྱའོ། །གལ་ཏེ་ལྟུང་བྱེད་དང་། སོ་སོར་བཤགས་པ་དང་། ཉེས་བྱས་དག་བྱུང་བར་ཤེས་ན་བཤགས་ནས་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དངོས་པོ་མ་ངེས་
D1.001.0233b05.01པར་གྱུར་ནས། ཁ་ཅིག་ནི་ལྷག་མ་མེད་པར་འདུ་ཤེས་ལ། ཁ་ཅིག་ནི་ལྷག་མ་དང་བཅས་པར་འདུ་ཤེས་ན་དེ་ལ་གང་དག་ལྷག་མ་མེད་པར་འདུ་ཤེས་པ་དེ་དག་གིས་ནི་བསྐྲད་ནས་དགག་དབྱེ་བྱའོ། །གང་དག་ལྷག་མ་དང་བཅས་པར་འདུ་ཤེས་པ་དེ་དག་གིས་ནི་བྱིན་གྱིས་རློབ་ཏུ་
D1.001.0233b06.01བཅུག་ནས་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་ལྟུང་བ་མ་ངེས་ཏེ། དེ་ལ་ཁ་ཅིག་ནི་བཤགས་པར་བྱའོ་ཞེས་ཟེར། ཁ་ཅིག་ནི་བསྡམ་པར་བྱའོ་ཞེས་ཟེར་ན། དེ་ལ་གང་དག་བཤགས་པར་བྱའོ་ཞེས་ཟེར་བ་དེ་དག་གིས་ནི་འཆགས་སུ་བཅུག་ནས་
D1.001.0233b07.01