完整藏文原文 · 德格版页 当前仅加载第 1 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱུང་བ་དང་། གཞུག་པ་དང་། གཞག་པ་ལ་ཉེ་བར་ཞུགས་ཤིང་བརྟག་པ་བརྒྱད་པོ་གཞི་བརྟག་པ་དང་། རས་བརྟག་པ་དང་། རིན་པོ་ཆེ་བརྟག་པ་དང་། ཤིང་བརྟག་པ་དང་། གླང་པོ་ཆེ་བརྟག་པ་དང་། རྟ་བརྟག་པ་དང་། གཞོན་
D1.001.0297a01.01ནུ་བརྟག་པ་དང་། གཞོན་ནུ་མ་བརྟག་པ་ལ་ཤིན་ཏུ་བྱང་ཞིང་། བརྟག་པ་གཞན་ཡང་བྱེད་པ་དང་། ཀློག་པ་ལ་མཁས་པ་དང་། སྤྱོད་པ་གསལ་བར་གྱུར་ཏོ། །དེ་ནས་ཁྱིམ་བདག་འབྱོར་པས་འབྱོར་ལེན་ལ་སོགས་པ་བུ་རྣམས་རིམ་བཞིན་དུ་ཁྱིམ་
D1.001.0297a02.01ཕུབ་པ་དང་། དེ་དག་ཆུང་མ་ལ་ལྷག་པར་ཆགས་པས་འཚོ་ནམ་ཡལ་བར་བོར་ཏེ་འཇོ་སྒེག་ལྷུར་ལེན་ཅིང་འཁོད་དོ། །དེ་ནས་ཁྱིམ་བདག་འབྱོར་པ་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག་པ་དེ་བུ་རྣམས་ཀྱིས་མཐོང་ནས་དྲིས་པ། ཡབ་
D1.001.0297a03.01ཁྱོད་ཅིའི་སླད་དུ་ཕྱག་ལ་ཞལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་དག་ང་ནི་ཇི་སྲིད་གསེར་འབུམ་མ་རྙེད་པ་དེ་སྲིད་དུ་ཁྱིམ་མ་ཕུབ་བོ། །ཁྱེད་ཅག་འཚོ་ནམ་ཡལ་བར་བོར་ནས་ཆུང་མ་ལ་ལྷག་པར་ཆགས་པས་འཇོ་སྒེག་ལྷུར་ལེན་ཅིང་
D1.001.0297a04.01འཁོད་དེ། ང་ཤི་ནས་ཁྱིམ་མྱ་ངན་གྱིས་གང་བར་འགྱུར་ན་ཇི་ལྟར་སེམས་ཁོང་དུ་ཆུད་པར་མི་འགྱུར། འབྱོར་ལེན་གྱིས་རིན་པོ་ཆེའི་རྣ་རྒྱན་ཐོགས་པ་བཀྲོལ་ནས་ཤིང་གི་རྣ་རྒྱན་གཅིག་བཏགས་ཏེ་བདག་གིས་ཇི་སྲིད་གསེར་འབུམ་མ་གྲུབ་པ་དེ་སྲིད་དུ་རིན་པོ་
D1.001.0297a05.01ཆེའི་རྣ་རྒྱན་གདགས་པར་མི་བྱའོ་ཞེས་དམ་བཅས་སོ། །གཅིག་གིས་ནི་རྒྱ་སྐེགས་ཀྱི་རྣ་རྒྱན་ནོ། །གཅིག་གིས་ནི་ཞ་ཉེའི་རྣ་རྒྱན་ནོ། །དེ་དག་མིང་འབྱོར་ལེན་དང་། འབྱོར་སྐྱོབ་དང་། འབྱོར་དགའ་ཞེས་བྱ་བ་གང་ཡིན་པ་དེ་དག་ནུབ་པར་གྱུར་ནས་
D1.001.0297a06.01ཤིང་གི་རྣ་རྒྱན་ཅན། རྒྱ་སྐེགས་ཀྱི་རྣ་རྒྱན་ཅན། ཞ་ཉེའི་རྣ་རྒྱན་ཅན་ཞེས་བྱ་བར་མིང་གྲགས་སོ། །དེ་རྣམས་ཟོང་ཐོགས་ཏེ་རྒྱ་མཚོ་ཆེན་པོར་དོང་བ་དང་། གང་པོས་སྨྲས་པ། ཡབ་བདག་ཀྱང་རྒྱ་མཚོ་ཆེན་པོར་མཆིའོ། །དེས་སྨྲས་པ། བུ་ཁྱོད་
D1.001.0297a07.01