完整藏文原文 · 德格版页 当前仅加载第 1 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཁས་བླང་བར་མི་བྱའོ། །ཁས་ལེན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ་གནས་ཤིག་ན་དགེ་སློང་རབ་ཏུ་མང་པོ་དག་དབྱར་ཕྱི་མར་གནས་པར་ཁས་བླངས་ཤིང་དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་
D1.001.0148b01.01སྣང་ངོ་སྙམ་པ་ལས་དེ་དག་གིས་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་དེ་ཉིད་དུ་ཟླ་བ་གཉིས་སོ་སོར་བརྟགས་ཏེ་གནས་པར་བྱའོ། །ཟླ་བ་གཉིས་འདས་ནས་དགེ་སློང་དེ་དག་
D1.001.0148b02.01གིས་གནས་བསྟབས་པ་དང་། གནས་མལ་བསྟབས་པ་དང་། ལས་བསྟབས་པ་དང་། རྙེད་པ་བསྟབས་པ་དང་། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན་དེ་ལྟ་ན་ལེགས།
D1.001.0148b03.01འོན་ཏེ་མ་རྙེད་ན་དགེ་སློང་དེ་དག་གིས་གནས་དེ་ཉིད་དུ་གསོ་སྦྱོང་གཞན་ལ་བསྡད་པར་མི་བྱའོ། །སྡོད་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་འདི་ལྟ་སྟེ་དགེ་སློང་གཉུག་མར་གནས་པ་དག་
D1.001.0148b04.01གིས་དགེ་སློང་གློ་བུར་བ་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་དག་མཆིའོ་ཞེས་ཐོས་ནས་དེ་དག་གིས་དེ་དག་ལ་ཇི་ལྟར་བསྒྲུབ་པར་བགྱི། ཉེ་བ་འཁོར་དགེ་སློང་དེ་དག་གིས་དགེ་སློང་གློ་བུར་བ་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་དག་
D1.001.0148b05.01གི་དོན་དུ་དཔག་ཚད་ཕྱེད་དང་གསུམ་དུ་གདུགས་དང་། རྒྱལ་མཚན་དང་། བ་དན་ལ་སོགས་པ་དག་གིས་བསུ་བར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། འོན་ཏེ་མི་འགྲུབ་ན་རྒྱང་གྲགས་ལྔར་གདུགས་དང་། རྒྱལ་མཚན་དང་། བ་དན་ལ་སོགས་པ་དག་གིས་བསུ་བར་བྱའོ། །གལ་
D1.001.0148b06.01ཏེ་འགྲུབ་ན་དེ་ལྟ་ན་ལེགས། འོན་ཏེ་མི་འགྲུབ་ན་དཔག་ཚད་ཕྱེད་དམ། རྒྱང་གྲགས་གསུམ་མམ། རྒྱང་གྲགས་སམ། རྒྱང་གྲགས་ཕྱེད་དམ། ཐ་ན་ཁྱམས་སུ་ཡང་གདུགས་དང་། རྒྱལ་མཚན་དང་། བ་དན་ལ་སོགས་པ་དག་གིས་བསུ་བར་བྱའོ། །ངག་གིས་བཤེས་པའི་ཚིག་གིས་
D1.001.0148b07.01