完整藏文原文 · 德格版页 当前仅加载第 1 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བར་དམ་འཆའ་ན་འགལ་ཚབས་ཅན་དུ་འགྱུར་རོ། །འོན་ཀྱང་དབྱར་གནས་པར་དམ་བཅས་པའི་དགེ་སློང་གིས་དགེ་འདུན་ལ་མཐོང་བ་དང་། ཐོས་པ་དང་དོགས་པའི་གནས་གསུམ་གྱིས་དགག་དབྱེ་བྱའོ། །བཅོམ་ལྡན་འདས་ཀྱིས་དབྱར་གནས་པར་དམ་
D1.001.0223a01.01བཅས་པའི་དགེ་སློང་གིས་དགེ་འདུན་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་དབྱེ་བྱའོ་ཞེས་གསུངས་པ་དགེ་སློང་རྣམས་ཀྱིས་དགག་དབྱེ་ཇི་ལྟར་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉི་མ་བདུན་ནམ་བརྒྱད་ན་
D1.001.0223a02.01དགག་དབྱེ་བྱེད་པར་འགྱུར་ན་ཉི་མ་འདི་སྙེད་ཅིག་ན་དགེ་འདུན་གྱི་དགག་དབྱེ་མཛད་པར་འགྱུར་རོ་ཞེས་སྤྱོད་ཡུལ་གྱི་གྲོང་ཁྱེར་དུ་གོ་བར་བྱའོ། །གནས་འཆའ་བའི་དགེ་སློང་རྣམས་ཀྱིས་མཆོད་རྟེན་དང་མཆོད་རྟེན་གྱི་འཁོར་ས་རྣམས་སུ་མཆོད་པར་བྱ་བའི་ལས་ལ་ལྷག་པར་
D1.001.0223a03.01བརྩོན་པར་བྱ་སྟེ། དྲི་གཙང་ཁང་བྱི་དོར་བྱ། བརྒྱན་པར་བྱའོ། །གནས་པ་དང་གཉུག་མར་གནས་པའི་དགེ་སློང་རྣམས་ཀྱིས་གཙུག་ལག་ཁང་ཕྱག་དར་བྱ། ཆག་ཆག་བྱ། བ་ལང་གི་ལྕི་བ་སར་པའི་བྱུག་པས་བྱུག་པར་བྱའོ། །དགེ་འདུན་ལ་རྙེད་པ་སྣུམ་བག་
D1.001.0223a04.01ཅན་དག་དབུལ་བར་བྱའོ། །དགེ་སློང་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་རྣམས་ཀྱིས་མཚན་མོ་ཐོག་ཐག་ཆོས་བཤད་པར་བྱའོ། །གལ་ཏེ་སྐྱ་རེངས་མ་ཤར་བར་དགག་དབྱེ་བྱ་མི་ནུས་པར་ཤེས་ན་དུས་ཤེས་པར་བྱ་སྟེ་ཅི་བདེར་བྱའོ། །དེ་ནས་
D1.001.0223a05.01དགག་དབྱེ་བྱེད་པའི་དགེ་སློང་གཅིག་གམ། གཉིས་སམ། མང་པོ་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་དགག་དབྱེ་བྱེད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་
D1.001.0223a06.01འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། དགག་དབྱེ་དང་དགག་དབྱེ་མ་ཡིན་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་དགག་དབྱེ་བྱེད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ཆོས་ལྔ་
D1.001.0223a07.01