完整藏文原文 · 德格版页 当前仅加载第 1 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དེ་དག་གིས་ཇི་ལྟར་རྟོགས་པ་དག་སྨྲས་ཏེ། གོང་མ་དག་ཀྱང་འདྲིའོ། །ཚོགས་ཀྱི་གྲངས་ཀྱང་བཅུར་བསྐངས་ནས་དེས་དེ་བསྙེན་པར་རྫོགས་པར་བྱས་སོ། །དེས་སྡེ་སྣོད་གསུམ་རྟོགས་པར་བྱས་ནས་ཉོན་མོངས་པ་ཐམས་ཅད་སྤངས་
D1.001.0264a01.01ཤིང་དགྲ་བཅོམ་པ་མངོན་སུམ་དུ་བྱས་ཏེ་དགྲ་བཅོམ་པར་གྱུར་ནས་ཁམས་གསུམ་གྱི་འདོད་ཆགས་དང་བྲལ་བ་གྱོ་མོ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པའི་སེམས་ཅན་དན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་
D1.001.0264a02.01སྦུབས་དྲལ་བ། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་། རྙེད་པ་དང་། ཆགས་པ་དང་། བཀུར་སྟི་ལས་ཕྱིར་ཕྱོགས་པ། དབང་པོ་ཉེ་དབང་པོའི་ལྷ་དང་བཅས་པ་རྣམས་ཀྱིས་མཆོད་པར་བྱ་
D1.001.0264a03.01བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་ལྷན་ཅིག་གནས་པ་དང་། ཉེ་གནས་ཀྱི་དགེ་སློང་རྣམས་ཀྱིས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་བསྙེན་བཀུར་བྱས་ནས། ཚེ་དང་ལྡན་པ་ཀཱ་ཏྱཱ་ཡ་ན་
D1.001.0264a04.01ཆེན་པོ་ལ་འདི་སྐད་ཅེས་སྨྲས་སོ། །མཁན་པོ་ནི་བདག་ཅག་གིས་མཐོང་སྟེ། བསྙེན་བཀུར་ཡང་བགྱིས་ལགས་ཀྱིས། བཅོམ་ལྡན་འདས་ལ་བདག་ཅག་རྣམས་བསྙེན་བཀུར་བགྱིད་དུ་མཆིའོ། །བུ་དག་དེ་བཞིན་དུ་གྱིས་ཤིག །དེ་བཞིན་གཤེགས་པ་
D1.001.0264a05.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་བསྙེན་བཀུར་བྱ་བ་ཁོ་ན་ཡིན་ནོ། །དེའི་ཚེ་གྲོ་བཞིན་སྐྱེས་རྣ་བ་བྱེ་བ་རི་འཁོར་དེ་ཉིད་ཀྱི་ནང་དུ་ཚོགས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་སྟན་ལས་ལངས་ནས་
D1.001.0264a06.01བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །བདག་གིས་མཁན་པོ་ཡང་མཐོང་། བཅོམ་ལྡན་འདས་ཀྱང་ཆོས་ཀྱི་སྐུར་ནི་མཐོང་ན། གཟུགས་ཀྱི་
D1.001.0264a07.01