完整藏文原文 · 德格版页 当前仅加载第 1 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ཉ་བཏང་ནས་འཕགས་པ་དག་ལོངས་སྤྱད་པ་དག་འབུལ་གྱིས་ཚུར་སྤྱོན་ཅེས་སྤྲིང་བ་དང་། དགེ་སློང་རྣམས་ཀྱིས་དྲི་བར་བརྩམས་ཏེ། གླང་པོ་ཆེ་སྐྱོང་བའི་གྲོང་དུ་ཇི་སྲིད་ཡོད། དེར་ནི་དཔག་ཚད་གསུམ་ལྷག་ཙམ་མཆིས་སོ། །བདག་ཅག་གིས་
D1.001.0241a01.01དེང་ཉིད་དོང་ལ་སླར་འཁོར་བར་ནུས་སམ་མི་ནུས་སྙམ་པ་ལས། དེ་དག་གིས་བསམས་པ། བཅོམ་ལྡན་འདས་ཀྱིས་དབྱར་གནས་པར་དམ་བཅས་པའི་དགེ་སློང་གིས་མཚམས་ཀྱི་ཕྱི་རོལ་དུ་འགྲོ་བར་མི་བྱའོ། །གལ་ཏེ་སོང་ན་དེར་གནས་པར་མི་བྱའོ་ཞེས་གསུངས་སོ་
D1.001.0241a02.01སྙམ་ནས་དེ་རྣམས་མ་སོང་ངོ་། །དེ་ན་གླང་པོ་ཆེ་སྐྱོང་བའི་གྲོང་གི་ཉེ་འཁོར་དུ་དགེ་སློང་གང་དག་དབྱར་གནས་པར་དམ་བཅས་པ་དེ་དག་ལ་དེས་གོས་ཀྱི་རྙེད་པ་དང་ཟས་ཀྱི་རྙེད་པ་མང་དུ་ཕུལ་ལོ། །དེ་དག་དབྱར་ཟླ་བ་གསུམ་འདས་ཏེ་ཆོས་གོས་བྱས་པ་དང་ལྡན། ཆོས་
D1.001.0241a03.01གོས་ཟིན་པ་དང་ལྡན་ནས་ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་གང་ན་བ་དེར་རྒྱུ་ཞིང་དོང་ནས་རིམ་གྱིས་རྒྱུ་ཞིང་དོང་བ་ན་མཉན་ཡོད་དུ་ཕྱིན་ཏོ། །དེ་དག་དགེ་སློང་རྣམས་ཀྱིས་རྒྱང་རིང་པོ་ཁོ་ན་ནས་མཐོང་ནས་ཚེ་དང་ལྡན་པ་དག་འོངས་པ་ལེགས་སོ། །འོངས་
D1.001.0241a04.01པ་ལེགས་སོ་ཞེས་ངལ་སོར་བཅུག་ནས་སྨྲས་པ། ཚེ་དང་ལྡན་པ་དག་ཁྱེད་གང་ནས་ད་འདིར་འོངས། གང་དུ་དབྱར་གནས་པར་དམ་བཅས། ཚེ་དང་ལྡན་པ་བདག་ཅག་ནི་གླང་པོ་ཆེ་སྐྱོང་བའི་གྲོང་ནས་ད་གཟོད་འདིར་འོངས་ཏེ། གླང་པོ་ཆེ་སྐྱོང་བའི་གྲོང་དུ་དབྱར་གནས་
D1.001.0241a05.01པར་དམ་བཅས་སོ། །ཚེ་དང་ལྡན་པ་དག་ཇི་ག་ཁྱེད་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་རེག་པར་དབྱར་གནས་པར་དམ་བཅས་སམ། དེ་ན་ཁྱེད་བསོད་སྙོམས་ཀྱིས་བྲེལ་བར་མ་གྱུར་མོད། ཚེ་དང་ལྡན་པ་དག་བདེན་ཏེ། བདག་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་
D1.001.0241a06.01རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་བྲེལ་བར་མ་གྱུར་ཏོ། །ཚེ་དང་ལྡན་པ་དག་ཇི་ལྟ་བ་ཞིག་ཏུ་ཁྱེད་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་མ་བྲེལ། ཚེ་དང་ལྡན་པ་དག་གླང་
D1.001.0241a07.01