完整藏文原文 · 德格版页 当前仅加载第 50 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བསྟན། ངས་ཆོས་ཀྱི་ཆར་ཆེན་པོ་ནི་ཕབ། ངས་ལྷ་དང་མི་རྣམས་ནི་ཚིམ་པར་བྱས། ངས་གདུལ་བ་རྣམས་ནི་བཏུལ། ངས་ཕས་ཀྱི་རྒོལ་བ་ཐམས་ཅད་ནི་སྐྲག་པར་བྱས། ངས་མུ་སྟེགས་ཀྱི་གནས་ཐམས་ཅད་ནི་ཚར་བཅད། ངས་བདུད་ཀྱི་སྟོབས་ནི་བཅོམ། ངས་
D111.050.0056b01.01བདུད་ཀྱི་གནས་ནི་གཡོ་བར་བྱས། ངས་སེང་གེའི་སྒྲ་ནི་བསྒྲགས། ངས་སངས་རྒྱས་ཀྱི་བྱ་བ་ནི་བྱས། ངས་སྐྱེས་བུ་དམ་པའི་ལས་ནི་མཐར་ཕྱུང་། ངས་སྔོན་གྱི་ཡི་དམ་ནི་ཡོངས་སུ་རྫོགས་པར་བྱས། ངས་ཆོས་ཀྱི་ཚུལ་ནི་བྱིན་གྱིས་བརླབས། ངས་ཉན་ཐོས་ཆེན་པོ་
D111.050.0056b02.01རྣམས་ལས་བྱེད་དུ་ནི་བཙུད། མ་འོངས་པའི་སངས་རྒྱས་ཀྱི་ཚུལ་རྒྱུན་མི་འཆད་པར་བྱ་བའི་ཕྱིར་ངས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལུང་ནི་བསྟན་ཟིན་ཏེ། ཀུན་དགའ་བོ་མྱ་ངན་ལས་འདའ་བ་མ་གཏོགས་པར་ཕྱིས་བྱ་བ་ང་ལ་མེད་དོ། །དེ་ནས་ཚེ་དང་ལྡན་པ་
D111.050.0056b03.01ཀུན་དགའ་བོ་བཅོམ་ལྡན་འདས་ཀྱི་གསུང་རྣམ་པ་དེ་ལྟ་བུ་དེ་ཐོས་ནས་སྡུག་བསྔལ་ཞིང་ཡིད་མི་བདེ་སྟེ་མི་དགའ་ཞིང་མྱ་ངན་ཆེན་པོའི་ཟུག་རྔུས་ཟུག་པར་གྱུར་ནས་རབ་ཏུ་ངུས་ཏེ་མཆི་མ་ཟག་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རབ་ཏུ་མྱུར་
D111.050.0056b04.01བར་མྱ་ངན་ལས་འདའ་ཞིང་བདེ་བར་གཤེགས་པ་རབ་ཏུ་མྱུར་བར་མྱ་ངན་ལས་འདའ་སྟེ། འཇིག་རྟེན་གྱི་མིག་རབ་ཏུ་མྱུར་བར་མི་སྣང་བར་འགྱུར། རབ་ཏུ་མྱུར་བར་འཇིག་རྟེན་མགོན་མ་མཆིས་པ་དང་སྐྱབས་མ་མཆིས་པ་དང་། ཡོངས་སུ་འདྲེན་པ་མ་མཆིས་པར་འགྱུར་རོ། །
D111.050.0056b05.01དེ་ནས་ཡང་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆོག་གིས་མྱ་ངན་མ་བྱེད་ཅིག །སྨྲེ་སྔགས་མ་འདོན་ཅིག །གང་གནས་པ་དང་བྱུང་བ་དང་འདུས་བྱས་པ་དང་བསགས་པ་ནི་རབ་ཏུ་འཇིག་པའི་ཆོས་ཅན་ཡིན་པས་མི་འཇིག་པར་
D111.050.0056b06.01ག་ལ་འགྱུར་ཏེ་དེ་ནི་གནས་མེད་དོ། །ཀུན་དགའ་བོ་ངས་ཐོག་མ་ཉིད་དུ་ཁྱེད་ལ་དགའ་བ་དང་སྡུག་པ་དང་ཡིད་དུ་འོང་བ་རྣམས་དང་ཐ་དད་དུ་འགྱུར་ཞིང་འགྱེས་པར་འགྱུར་བྲལ་བར་འགྱུར་བྱེ་བར་འགྱུར་རོ་ཞེས་མ་བསྟན་ཏམ། ཀུན་དགའ་བོ་ཁྱོད་ཀྱིས་ང་ལ་བྱམས་པའི་ལུས་ཀྱི་ལས་
D111.050.0056b07.01