完整藏文原文 · 德格版页 当前仅加载第 50 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
འཆི་བ་ལ་གཞོལ་མི་འཆི་བའི་མཐར་འགྱུར་རོ། །དེད་དཔོན་ཁྱོད་ནི་དགེ་བའི་རྩ་བ་དེས་ལྷ་དང་མིའི་ཕུན་སུམ་ཚོགས་པ་རྒྱ་ཆེན་པོ་མྱོང་ནས། བསྐལ་པ་བརྒྱད་ཅུའི་སྲིད་པ་ཐ་མ་ལ་ལུས་ཐ་མ་འཐོབ་པ་ན། རང་སངས་རྒྱས་སྙིང་རྗེ་ཅན་ཞེས་བྱ་བར་འགྱུར་རོ། །དེ་ཅིའི་
D111.050.0069b01.01ཕྱིར་ཞེ་ན། འདི་ལྟར་དེད་དཔོན་ཁྱོད་ཀྱིས་ང་ཡོངས་སུ་མྱ་ངན་ལས་འདས་པའི་སྒྲ་ཐོས་ནས་ང་ལ་སེམས་དང་བ་ཆེན་པོ་བསྐྱེད་དེ། སེམས་ཅན་རྣམས་ལ་ཡང་སྙིང་རྗེའི་སེམས་བསྐྱེད་ནས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ང་ལ་བཅོམ་ལྡན་འདས་ཡོངས་སུ་མྱ་ངན་
D111.050.0069b02.01ལས་མི་འདའ་བར་བཞུགས་སུ་གསོལ་ཞེས་གསོལ་བ་འདེབས་པ་དང་། དེ་བཞིན་གཤེགས་པ་བྱམས་པའི་བསྟན་པ་ལ་ཡང་སེམས་ཅན་དེ་དག་ལ་སྙིང་རྗེ་བསྐྱེད་ནས་གཉིད་ཀྱིས་ལོག་པ་དང་མྱོས་པ་དང་རབ་ཏུ་མྱོས་པའི་སྐྱེ་བོ་རྣམས་ལ་སྒོ་ཞིང་སྐུལ་མ་འདེབས། དགེ་བའི་
D111.050.0069b03.01ཆོས་ཚད་མེད་པ་ལ་ཡང་སྐུལ་བར་འགྱུར་ཏེ། དེད་དཔོན་ཁྱོད་རང་སངས་རྒྱས་སུ་འགྱུར་བའི་རྒྱུ་འདི་ཡིན་རྐྱེན་འདི་ཡིན་ནོ། །དེད་དཔོན་དགེ་བའི་རྩ་བའི་ལོངས་སྤྱོད་ཆེན་པོ་འདི་ལྟ་བུ་སྦྱིན་གྱིས་དེད་དཔོན་དགའ་ཞིང་མགུ་བ་དང་རངས་ཤིང་ཡིད་དགའ་བར་གྱིས་ཤིག །དེད་དཔོན་ཁྱོད་
D111.050.0069b04.01དེ་བཞིན་གཤེགས་པ་ལ་གསོལ་བ་འདེབས་པ་དང་། དེ་བཞིན་གཤེགས་པ་ལ་སེམས་དང་བའི་ཕྱིར་དེ་བཞིན་གཤེགས་པས་ཆོས་ཀྱི་དགའ་བ་དང་ཆོས་ཀྱི་ལོངས་སྤྱོད་འདི་བྱིན་པ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བདུད་ཀྱི་བུ་དེད་དཔོན་གྱིས་འདི་སྐད་
D111.050.0069b05.01ཅེས་གསོལ་ཏོ། །བཅོམ་ལྡན་འདས་བདག་གིས་དེ་སྐད་དུ་གསོལ་ཀྱང་དེ་སྟེ་བཞུགས་སུ་མི་གནང་ན། བཅོམ་ལྡན་འདས་བདག་དེང་སླན་ཅད་འདི་ལྟར་ཡི་དམ་འཆའ་ཞིང་སྨོན་ལམ་འདེབས་ཏེ་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་དམ་པའི་ཆོས་ཇི་སྲིད་དུ་གནས་པ་དེ་སྲིད་དུ་
D111.050.0069b06.01བཅོམ་ལྡན་འདས་བདག་གཟུགས་དང་སྒྲ་དང་དྲི་དང་རོ་དང་རེག་པ་རྣམས་ལ་སྙེན་པར་མི་བགྱིད་དོ། །འདོད་པའི་ཡོན་ཏན་ལྔ་ལ་ཡང་ཆགས་པ་དང་རྩེ་བ་དང་ཡོངས་སུ་སྤྱོད་པར་མི་བགྱིད་དོ། །གོས་གཞན་ཡང་མི་འཚལ། མེ་ཏོག་དང་སྤོས་དང་ཕྲེང་བ་དང་བྱུག་པ་ཡང་མི་སྙེན་ནོ། །
D111.050.0069b07.01