完整藏文原文 · 德格版页 当前仅加载第 50 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
པ། སྡིག་པའི་ཆོས་ཅན། འཕྱས་ཚོལ་བའི་བསམ་པ་ཅན། ཆོས་སྤོང་བ་དམ་པའི་ཆོས་དང་འགལ་བར་གནས་པ་གཏམ་དུ་བྱེད་ཀྱི་རྗེས་སུ་འཐུན་པའི་ཆོས་མི་འཆད་པ་དེ་དག་ལ་མི་བཤད་དོ་ཞེས་དེ་ལྟར་བསླབ་པར་བྱའོ། །དེ་ཅིའི་ཕྱིར་ཞེ་ན། མི་བླུན་པོ་དེ་དག་གིས་ཐོས་ནས་རྒྱ་ཆེར་མ་
D111.050.0118b01.01རུང་བར་གྱུར་ཏ་རེ་ཞེས་ཀུན་དགའ་བོ་ཁྱོད་དེ་ལྟར་བསླབ་པར་བྱའོ། །ཀུན་དགའ་བོ་ཁྱོད་སྐྱོ་བར་མ་བྱེད་ཅིག །ཀུན་དགའ་བོ་དགེ་སློང་དོན་དུ་གཉེར་བ་རྣམས་ལ་ཆོས་གུས་པར་འཆད་ཅིང་། དེ་ཡང་གུས་པར་ཉན་ན་ཀུན་དགའ་བོ་དེ་གཉི་ག་ཡང་བསོད་ནམས་རྒྱ་ཆེར་སྐྱེད་ཅིང་། བསོད་ནམས་
D111.050.0118b02.01ཚད་མེད་གྲངས་མེད་པར་སྐྱེད་དོ། །ཀུན་དགའ་བོ་དེ་ཇི་སྙམ་དུ་སེམས། སའི་ཁམས་དང་སེམས་ཅན་གྱི་ཁམས་གང་མང་། གསོལ་པ། བཅོམ་ལྡན་འདས་ཇི་ལྟར་བཅོམ་ལྡན་འདས་ཀྱིས་བཤད་པའི་དོན་བདག་གིས་འཚལ་བ་ལྟར་ན་བཅོམ་ལྡན་འདས་སེམས་ཅན་གྱི་ཁམས་ཆེས་
D111.050.0118b03.01མང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཇི་སྐད་སྨྲ་བ་དེ་བཞིན་ཏེ། ཀུན་དགའ་བོ་སེམས་ཅན་གྱི་ཁམས་ཆེས་མང་གི་སའི་ཁམས་ནི་མ་ཡིན་ནོ། །ཀུན་དགའ་བོ་སེམས་ཅན་གྱི་ཁམས་ཆེས་མང་གི་ཆུའི་ཁམས་ནི་མ་ཡིན་ནོ། །མེའི་ཁམས་ནི་མ་
D111.050.0118b04.01ཡིན་ནོ། །ཀུན་དགའ་བོ་ཡོངས་སུ་བརྟགས་པ་བཟུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་དུ་མངོན་པས་མངོན་པ་ཀུན་ཏུ་སྣང་བར་གྱུར་པའམ། ཀུན་ཏུ་སྣང་བར་མ་གྱུར་པ་གང་དག་ཡོད་པ་དེ་དག་ཐམས་ཅད་སྐད་ཅིག་གཅིག་དང་། ཐང་ཅིག་གཅིག་
D111.050.0118b05.01དང་། ཡུད་ཙམ་གཅིག་ལ་མིའི་ལུས་ཐོབ་པར་གྱུར་ཏེ། དེ་དག་མིའི་ལུས་ཐོབ་ནས་སྐད་ཅིག་གཅིག་དང་། ཐང་ཅིག་གཅིག་དང་། ཡུད་ཙམ་གཅིག་ལ་རང་བྱང་ཆུབ་ཐོབ་པར་གྱུར་པ་དང་། ཀུན་དགའ་བོ་ཡོངས་སུ་བརྟག་པ་བཟུང་སྟེ། འཇིག་རྟེན་གྱི་ཁམས་མཐའ་ཡས་དཔག་
D111.050.0118b06.01ཏུ་མེད་པ་དག་ན་སའི་ཁམས་ཇི་སྙེད་ཡོད་པ་སའི་ཕུང་པོ་གང་གི་མཐའ་མི་མངོན་པའི་སའི་ཕུང་པོ་དེ་ལ་རྡུལ་ཕྲ་རབ་ཀྱི་རྡུལ་ཇི་སྙེད་ཡོད་པའི་སའི་རྡུལ་དེ་ཐམས་ཅད་སྙེད་ཀྱི་མིར་གྱུར་ལ། ཀུན་དགའ་བོ་མིར་གྱུར་པ་དེ་དག་ཀྱང་སྐད་ཅིག་ཐང་ཅིག་ཡུད་ཙམ་གཅིག་ལ་སྔ་ཕྱི་མེད་པར་རང་བྱང་
D111.050.0118b07.01