完整藏文原文 · 德格版页 当前仅加载第 50 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། གཅིག་ལ་གཅིག་མི་གུས་པར་མེ་ཏོག་དང་འབྲས་བུ་དང་བཟའ་བ་དང་བཅའ་བ་དག་སྦྱིན་པ་དང་རབ་ཏུ་སྦྱིན་པར་བྱེད་པ་ལ་མངོན་པར་དགའ་ཞིང་མ་བསྡམས་པར་འགྱུར་རོ། །དེ་དག་ཀྱང་བུ་དང་ཆུང་མ་སྤྱོད་པར་བྱེད་དེ། དེ་དག་གིས་དེ་མཐོང་ཞིང་ཐོས་ནས་བཅོམ་ལྡན་འདས་ཀྱི་
D111.050.0084a01.01དམ་པའི་ཆོས་ནུབ་པར་མི་འགྱུར་གྲང་སྙམ་ནས་རབ་ཏུ་འཇིགས་པ་དང་སྐྲག་པ་དང་མི་དགའ་བར་འགྱུར་རོ། །དེའི་ཚེ་ཡང་རྒྱལ་པོའི་ཕོ་བྲང་རྒྱས་ལྡན་དེ་ན་དགེ་བསྙེན་ཆོས་འཕེལ་ཞེས་བྱ་བ་རྫུ་འཕྲུལ་ཆེ་བ་མཐུ་ཆེ་བ། དབང་ཆེ་བར་གྲགས་པ། གསལ་བ་དུལ་བ་འཇིགས་པ་མེད་པ་མང་དུ་ཐོས་པ་ཐོས་པ་
D111.050.0084a02.01ངེས་པར་བྱེད་པ་ལ་མཁས་པ་ཞིག་འབྱུང་སྟེ། དེར་བྲམ་ཟེ་དང་ཁྱིམ་བདག་དེ་རྣམས་དགའ་བར་བྱ་བའི་ཕྱིར་རྫུ་འཕྲུལ་གྱིས་ནམ་མཁའ་ལ་མངོན་པར་འཕགས་ནས་བྲམ་ཟེ་དང་ཁྱིམ་བདག་རྣམས་ལ་ཡང་དག་པར་སྟོན། ཡང་དག་པར་འཛིན་དུ་འཇུག །ཡང་དག་པར་གཟེངས་སྟོད། ཡང་
D111.050.0084a03.01དག་པར་རབ་ཏུ་དགའ་བར་བྱེད་ཅིང་ཚིག་འདི་སྐད་ཀྱང་སྨྲ་བར་འགྱུར་ཏེ། བྲམ་ཟེ་དང་ཁྱིམ་བདག་རྣམས་མ་འཇིགས་ཤིག །དོགས་པ་མ་སྐྱེད་ཅིག །ཐེ་ཚོམ་མ་སྐྱེད་ཅིག །ཡིད་གཉིས་མ་ཟ་ཤིག །བཅོམ་ལྡན་འདས་ཤཱཀྱ་ཐུབ་པ་དེའི་དམ་པའི་ཆོས་ད་དུང་གནས་ཤིང་མ་ནུབ་ཀྱིས་ཁྱེད་
D111.050.0084a04.01མ་ཐོབ་པ་ཐོབ་པར་བྱ་བ་དང་། མ་རྟོགས་པ་རྟོགས་པར་བྱ་བ་དང་། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་སྦྱོར་བ་གྱིས་ཤིག །བརྩལ་བ་གྱིས་ཤིག །འབད་པ་གྱིས་ཤིག །ད་དུང་འཕགས་པའི་ཆོས་ཐོས་པར་བྱ་སླའོ། །དེ་ནས་བྲམ་ཟེ་དང་ཁྱིམ་བདག་དེ་རྣམས་ཚིམ་ཞིང་
D111.050.0084a05.01མགུ་སྟེ་ཡི་རངས་ཤིང་རབ་ཏུ་དགའ་ལ་དགའ་བ་དང་ཡིད་བདེ་བ་སྐྱེས་ནས་སྦྱིན་པ་དག་སྦྱིན། བསོད་ནམས་དག་བྱེད་ཅིང་ངའི་རིང་བསྲེལ་ལ་རིམ་གྲོར་བྱ་བ་ནས་རྗེད་པ་དང་མངོན་པར་མཆོད་པར་བྱ་བའི་ཕྱིར་སྤྲོ་བ་སྐྱེ་བར་འགྱུར་ཞིང་ཐོས་པ་དང་ཚུལ་ཁྲིམས་དང་སྤོང་བ་ལ་ཡང་བརྩོན་པར་འགྱུར་རོ། །
D111.050.0084a06.01དེ་ལྟར་ཁྱིམ་བདག་ཆོས་འཕེལ་གྱིས་བྲམ་ཟེ་དང་ཁྱིམ་བདག་རྣམས་དགའ་བར་བྱས་པས་ཕལ་ཆེར་མཐོ་རིས་དང་ཐར་པར་འགྲོ་བར་འགྱུར་རོ། །ཀུན་དགའ་བོ་ཁྱིམ་བདག་ཆོས་འཕེལ་དེ་ཡང་ངའི་བསྟན་པ་འདི་རྒྱ་ཆེར་རྒྱས་པར་བྱེད་པར་འགྱུར་རོ། །ཀུན་དགའ་བོ་དེ་ལྟར་ང་འདས་ནས་ངའི་
D111.050.0084a07.01