完整藏文原文 · 德格版页 当前仅加载第 50 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོ་དེའི་ནང་ན་གང་དེད་དཔོན་དུ་གྱུར་པ་དེ་རྒྱ་མཚོ་ཆེན་པོ་ལ་རྐྱལ་པས་རྐྱལ་ལོ། །དེའི་ཚེ་ཡང་ཚོང་པ་ལྔ་ཞིག་རྒྱ་མཚོ་ཆེན་པོས་ཁྱེར་བ་དེ་དག་དེད་དཔོན་དེ་ལ་ཀྱེ་དེད་དཔོན་མི་འཇིགས་པ་སྩོལ་ཅིག་ཅེས་འབོད་དོ། །ཀུན་དགའ་བོ་དེ་སྐད་ཅེས་སྨྲས་པ་དང་། དེད་དཔོན་དེས་ཚོང་པ་དེ་
D111.050.0105b01.01དག་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་ཁྱེད་མ་འཇིགས་ཤིག །ངས་ཁྱེད་རྒྱ་མཚོ་ཆེན་པོ་འདི་ལས་བདེ་བར་གདོན་ནོ། །ཀུན་དགའ་བོ་དེའི་ཚེ་དེད་དཔོན་དེའི་ལུས་ལ་མཚོན་རྣོན་པོ་ཞིག་ཀྱང་འཆང་སྟེ། དེ་འདི་སྙམ་དུ་རྒྱ་མཚོ་ཆེན་པོ་འདི་མི་རོ་དང་ལྷན་ཅིག་མི་གནས་པས་ངེས་
D111.050.0105b02.01པར་བདག་གིས་བདག་གི་ལུས་སྲོག་དང་ཕྲལ་ཏེ་ཚོང་པ་འདི་དག་རྒྱ་མཚོ་ཆེན་པོ་འདི་ལས་གདོན་ནོ་སྙམ་དུ་བསམས་ནས། དེས་ཚོང་པ་དེ་དག་བདག་གི་ལུས་ལ་ཤིན་ཏུ་ལེགས་པར་ཁ་ཅིག་ནི་རྒྱབ་ཏུ་ཞོན། ཁ་ཅིག་ནི་ཕྲག་པ་ལ་ཞོན། ཁ་ཅིག་ནི་བརླ་ལ་བཅར་ཏེ། རྩོལ་བ་ཆེན་
D111.050.0105b03.01པོ་བསྐྱེད་ནས་ལུས་དང་སེམས་ལ་སོ་སོར་བརྟག་པའི་མཐུ་བསྐྱེད་དེ་ཚོང་པ་དེ་དག་ལ་མི་འཇིགས་པ་བྱིན་ནས་སྙིང་རྗེ་ཆེན་པོས་ཡོངས་སུ་བསྒོས་པའི་སེམས་ཀྱིས་མཚོན་རྣོན་པོས་བདག་གི་སྲོག་བཅད་པ་དང་། དེ་མྱུར་བ་ཉིད་དུ་འཆི་བའི་དུས་བྱས་སོ། །དེ་ནས་དེ་མ་ཐག་ཏུ་རོ་དེ་
D111.050.0105b04.01རྒྱ་མཚོ་ཆེན་པོའི་ནང་ནས་སྐམ་ལ་བྱུང་ངོ་། །དེ་ནས་ཚོང་པ་ལྔ་པོ་དེ་དག་བདེ་ཞིང་དོན་གྲུབ་ནས་རྒྱ་མཚོ་ཆེན་པོ་ལས་རྒལ་ཏེ་སླར་འཛམ་བུ་གླིང་དུ་བདེ་བར་ལྷགས་པར་གྱུར་ཏོ། །ཀུན་དགའ་བོ་དེའི་ཚེ་དེའི་དུས་ན་དེད་དཔོན་དེ་གཞན་ཞིག་ཡིན་པ་སྙམ་དུ་ཁྱོད་ཐེ་ཚོམ་འམ་ཡིད་གཉིས་ཟ་ན་ཀུན་དགའ་
D111.050.0105b05.01བོ་ཁྱེད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཀུན་དགའ་བོ་ང་ཉིད་དེའི་ཚེ་དེའི་དུས་ན་དེད་དཔོན་དུ་གྱུར་ཏོ། །ཀུན་དགའ་བོ་དགེ་སློང་ལྔ་སྡེ་ནི་དེའི་ཚེ་དེའི་དུས་ན་ཚོང་པ་ལྔ་པོར་གྱུར་ཏེ། ཀུན་དགའ་བོ་དེའི་ཚེ་ཡང་དགེ་སློང་ལྔ་པོ་རྒྱ་མཚོ་ཆེན་པོ་ལས་བསྒྲལ་ཏོ། །ད་ཡང་ངས་
D111.050.0105b06.01འཁོར་བའི་རྒྱ་མཚོ་ཆེན་པོ་ལས་བསྒྲལ་ཏེ་མྱ་ངན་ལས་འདས་པ་འཇིགས་པ་མེད་ཅིང་ཞི་བ་ལ་བཀོད་དོ། །ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དཀའ་བ་ཇི་སྙེད་བྱེད་པ་དང་། ཡོན་ཏན་ཚད་མེད་པ་ཇི་སྙེད་དང་ལྡན་པ་ལ་ལྟོས། ཀུན་དགའ་བོ་རྣམ་གྲངས་
D111.050.0105b07.01