完整藏文原文 · 德格版页 当前仅加载第 50 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་། །དེ་དག་དད་པས་ཁྱིམ་ནས་ཁྱིམ་མེད་པར་ཡང་དག་པར་རབ་ཏུ་བྱུང་ནས་ཀྱང་འདུ་བྱེད་ཐམས་ཅད་མིག་ཡོར་ལྟ་བུ་དང་རྨི་ལམ་ལྟ་བུ་དང་བྲག་ཅ་ལྟ་བུར་རིག་སྟེ། མཚན་མ་དེ་དང་དམིགས་པ་དེ་དང་རྐྱེན་དེས་བྱང་ཆུབ་ཐོབ་པར་འགྱུར་རོ། །ཆུའི་ནང་དུ་ཟླ་བའི་དཀྱིལ་
D111.050.0064a01.01འཁོར་དང་། ཉི་མའི་དཀྱིལ་འཁོར་སྣང་བ་དང་། སྐར་མའི་གཟུགས་སྣང་བ་དེ་དག་མཐོང་ནས། དེ་བཞིན་གཤེགས་པས་གདམས་པའམ། དེ་ལས་གཞན་པའི་དགེ་བའི་བཤེས་གཉེན་གྱིས་གདམས་པའམ། བདག་གི་བློས་བརྟགས་པས་འདུ་བྱེད་ཐམས་ཅད་རྨི་ལམ་
D111.050.0064a02.01དང་མིག་ཡོར་དང་བྲག་ཅ་ལྟ་བུར་རྟོགས་ནས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་འཐོབ་པ་དང་། དགྲ་བཅོམ་པ་ཉིད་མངོན་སུམ་དུ་བྱེད་པ་དང་། གང་ཟག་
D111.050.0064a03.01བྱང་ཆུབ་སེམས་དཔའི་ཐེག་པ་བཟོད་པ་དང་པོ་ཐོབ་པ་དང་། བཟོད་པ་གཉིས་པ་དང་གསུམ་པ་ཐོབ་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་བའི་སྐྱེས་བུ་མཁས་པ་དག་ཡོད་དོ། །སངས་རྒྱས་བཅོམ་ལྡན་འདས་མྱ་ངན་ལས་འདས་པ་
D111.050.0064a04.01རྣམས་ཀྱི་ཆོས་བསྟན་པ་འདི་ཉིད་འཇིག་རྟེན་དུ་འབྱུང་སྟེ། དེ་ཐོས་པས་སེམས་ཅན་རྣམས་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་བླ་ན་མེད་པ་རྣམ་པ་ཐམས་ཅད་མཆོག་དང་ལྡན་པ་དང་། ཐེག་པ་གསུམ་པོ་དག་གིས་ངེས་པར་འབྱུང་
D111.050.0064a05.01བར་འགྱུར་རོ། །ཚངས་པ་འདི་ལྟར་འདི་ཡང་སངས་རྒྱས་རྣམས་ཀྱི་བྱིན་གྱི་བརླབས་སུ་རིག་པར་བྱ་སྟེ། ཚངས་པ་གང་གིས་སྐྱེས་བུ་མཁས་པ་དག་གིས་འདུ་བྱེད་འདི་དག་ནི་སྡུག་བསྔལ་བ། གཡོ་བ་མི་བརྟན་པ། ཟད་པ་དང་འགྱུར་བའི་ཆོས་ཅན་ཏེ། རྨི་ལམ་དང་
D111.050.0064a06.01མིག་ཡོར་དང་བྲག་ཅ་ལྟ་བུའོ། །ཞེས་བྱ་བའི་མཚན་མ་དེ་མཐོང་ནས་ཡང་དག་པར་སྐྱོ་བར་འགྱུར་བ་འདི་ནི་སངས་རྒྱས་རྣམས་ཀྱི་ཡུལ་དང་སངས་རྒྱས་ཀྱི་བྱིན་གྱི་བརླབས་སོ། །སྔོན་སྤྱད་ཅིང་སྔོན་གྱི་རྒྱུ་ལས་བྱུང་བའི་སེམས་ཅན་སྔོན་ཡོངས་སུ་སྨིན་པར་བྱ་བ་དག་གིས། ཆོས་
D111.050.0064a07.01