完整藏文原文 · 德格版页 当前仅加载第 50 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱི་དམ་པའི་ཆོས་ཇི་སྲིད་དུ་གནས་པ་དེ་སྲིད་དུ་མཆི་མ་དབྱུང་བར་བགྱི། འདོད་པའི་ཡོན་ཏན་ལྔ་ལ་མི་སྙེན། སླས་ཀྱི་ནང་དུ་མི་འཇུག །དེ་ལས་གཞན་པའི་གོས་འཚལ་བར་མི་བགྱིད་དོ། །བཅོམ་ལྡན་འདས་འདི་ལྟར་བདག་འཇིག་རྟེན་ཐམས་ཅད་
D111.050.0073a01.01ལས་འདས་པའི་སྟོན་པ་འདི་ལྟ་བུ་དང་སང་ནང་པར་འབྲལ་ཞིང་མི་མཐོང་བ་དང་མི་འགྲོགས་པར་འགྱུར་བ་ལགས་པ་ལྟ། ལྷའི་དབང་པོ་བརྒྱ་བྱིན་གྱིས་དེ་སྐད་ཅེས་གསོལ་ནས་མཆི་མ་ཟག་བཞིན་དུ་མགོ་སྨད་དེ་འདུག་གོ། །བརྒྱ་བྱིན་གྱི་ལེའུ་སྟེ་གསུམ་པ་རྫོགས་
D111.050.0073a02.01སོ།། །།དེ་ནས་གནས་བརྟན་སྒྲ་གཅན་ཟིན་འདི་སྙམ་དུ་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ལ་བདག་མངོན་སུམ་དུ་ལྟ་བར་མི་སྤྲོའོ། །བཅོམ་ལྡན་འདས་ཡོངས་སུ་མྱ་ངན་ལས་འདའ་བ་མངོན་སུམ་དུ་མཐོང་ན་བདག་རངས་པར་ག་ལ་འགྱུར་
D111.050.0073a03.01ཏེ། མགུ་བ་ག་ལ་ཡོད། ཡིད་བདེ་བ་ག་ལ་ཡོད། དགའ་བ་ག་ལ་ཡོད། ཡི་རངས་པ་ག་ལ་ཡོད་ཀྱིས། བདག་ངེས་པར་འདི་ནས་འཇིག་རྟེན་གྱི་ཁམས་བཅུ་འདས་པ་ན། འཇིག་རྟེན་གྱི་ཁམས་འོད་ཟེར་ཅན་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་
D111.050.0073a04.01དག་པར་རྫོགས་པའི་སངས་རྒྱས་བསྙེན་པར་དཀའ་བ་ཞེས་བྱ་བའི་དྲུང་དུ་འགྲོའོ་སྙམ་དུ་སེམས་སོ། །དེ་ནས་ཚེ་དང་ལྡན་པ་སྒྲ་གཅན་ཟིན་ཀུ་ཤའི་གྲོང་ཁྱེར་གྱད་རྣམས་ཉེ་བར་གནས་པ་ཤིང་སཱ་ལའི་ཚལ་ནས་མི་སྣང་བར་གྱུར་ཏེ། བྱང་ཤར་གྱི་ཕྱོགས་ག་ལ་བ་དང་། དེ་བཞིན་
D111.050.0073a05.01གཤེགས་པ་བསྙེན་པར་དཀའ་བ་ག་ལ་བ་དེར་སོང་ནས་ཕྱིན་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྙེན་པར་དཀའ་བའི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འདུག་ནས་སྡུག་
D111.050.0073a06.01བསྔལ་ཞིང་ཡིད་མི་བདེ་བ་ཚེ་དང་ལྡན་པ་སྒྲ་གཅན་ཟིན་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྙེན་པར་དཀའ་བས་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཁྱོད་མྱ་ངན་མ་བྱེད་སྨྲེ་སྔགས་མ་འདོན་ཅིག །དེ་ཅིའི་ཕྱིར་ཞེ་ན། སྒྲ་གཅན་
D111.050.0073a07.01