完整藏文原文 · 德格版页 当前仅加载第 50 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྐུ་བྱིན་གྱིས་རློབ་སྟེ། དེའི་ཚེ་ཕྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ནས་གདོད་དེ་བཞིན་གཤེགས་པ་རྣམས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའོ། །དེ་བས་ན་ངས་ད་ནི་བྱང་ཆུབ་སེམས་དཔའ་བྱམས་པ་
D111.050.0110b01.01ལ་སོགས་པ་བྱེ་བ་ཁྲག་ཁྲིག་བརྒྱ་སྟོང་མང་པོ་དག་ཕྱིར་མི་ལྡོག་པའི་ཆོས་ཉིད་ལ་ལུང་བསྟན་ཅིང་བཀོད་དེ་ངའི་བྱ་བ་འདི་དག་སེམས་ཅན་རྣམས་ལ་ཐུགས་བརྩེ་བའི་ཕྱིར་བྱས་ཟིན་ནོ། །ཀུན་དགའ་བོ་གཞན་ཡང་སངས་རྒྱས་ཀྱིས་མངོན་དུ་འདུལ་བ་ཐམས་ཅད་དུལ་བར་མ་གྱུར་གྱི་བར་དུ་དེ་
D111.050.0110b02.01བཞིན་གཤེགས་པ་ཡོངས་སུ་མྱ་ངན་ལས་མི་འདའོ། །གང་གི་ཚེ་སངས་རྒྱས་བཅོམ་ལྡན་འདས་བསྐལ་པ་སྟོང་ཕྲག་མང་པོ་ཞིག་ན་སངས་རྒྱས་བཅོམ་ལྡན་འདས་གཞན་རྣམས་འབྱུང་བ་དང་། འཇིག་རྟེན་གྱི་ཁམས་དེའམ། གཞན་དག་ཏུ་འགྲོ་བ་ལྔའི་ནང་ན་གང་ཡང་རུང་བའི་
D111.050.0110b03.01འགྲོ་བར་སྐྱེས་པའི་གང་ཟག་ཀྱང་སངས་རྒྱས་ཀྱིས་འདུལ་བར་མཁྱེན་ལ། གང་ཟག་དེ་ལོ་གཅིག་གམ་ལོ་བརྒྱའམ་ལོ་སྟོང་ངམ་ལོ་བྱེ་བ་ཁྲག་ཁྲིག་བརྒྱ་སྟོང་ངམ་བསྐལ་པ་ལས་ལྷག་པ་ན་གང་ཟག་དེ་ངས་འདུལ་བར་འགྱུར་གྱི་ཉན་ཐོས་ཀྱིས་མ་ཡིན། རང་སངས་རྒྱས་ཀྱིས་མ་ཡིན་པར་
D111.050.0110b04.01མཁྱེན་པར་འགྱུར་བ་དེའི་ཚེ་སངས་རྒྱས་ཀྱི་ཡེ་ཤེས་ཀྱིས་མཁྱེན་ནས་གང་ཟག་དེ་ལ་ཐུགས་བརྩེ་བའི་ཕྱིར། གང་ཟག་དེ་ཡོངས་སུ་སྨིན་པར་གྱུར་གྱི་བར་དུ་རྫུ་འཕྲུལ་གྱི་སྐུ་བྱིན་གྱིས་བརླབས་ནས་དེའི་འོག་ཏུ་གདོད་འདུལ་ཏེ། ཀུན་དགའ་བོ་འདི་ནི་གང་བྱས་ནས་ཕྱིས་སངས་རྒྱས་བཅོམ་
D111.050.0110b05.01ལྡན་འདས་རྣམས་ཡོངས་སུ་མྱ་ངན་ལས་འདའ་བར་འགྱུར་བ་དེ་བཞིན་གཤེགས་པ་རྣམས་ཀྱི་མཛད་པ་གཉིས་པའོ། །ཀུན་དགའ་བོ་གཞན་ཡང་དེ་བཞིན་གཤེགས་པའི་མདོ་སྡེའམ། འདུལ་བའམ། མ་མོ་སངས་རྒྱས་ཀྱི་བསྟན་པའི་གསུང་རབ་ལས་དགོས་པ་འགའ་ཞིག་
D111.050.0110b06.01མངོན་སུམ་དུ་ཞུ་བའམ་བྱ་བ་ཡོད་ལ། དེ་ཡང་ཉན་ཐོས་སློབ་པའམ་མི་སློབ་པ་དག་གིས་ཀྱང་ཤེས་པའམ། ཡང་དག་པར་བསྡུ་བའམ། བསྟན་པར་མི་ནུས་ལ། གལ་ཏེ་སངས་རྒྱས་རྣམས་ཀྱི་དགེ་སློང་གི་དགེ་འདུན་དེ་ལས་དགེ་སློང་གཅིག་ཙམ་ཡང་དེ་བཞིན་གཤེགས་པ་ལ་
D111.050.0110b07.01