完整藏文原文 · 德格版页 当前仅加载第 50 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
འདིས་ཀྱང་ཁྱོད་ཀྱིས་འདི་ལྟར་རིག་པར་བྱ་སྟེ། བྱང་ཆུབ་སེམས་དཔའ་རྣམས་ཅི་འདྲ་བའི་ཡོན་ཏན་འདི་ལྟ་བུ་དག་རང་སངས་རྒྱས་རྣམས་ལ་མེད་དོ། །ཀུན་དགའ་བོ་གལ་ཏེ་རང་སངས་རྒྱས་རྣམས་ལ་ངའི་ཆོས་རྣམས་ཡོད་དུ་ཟིན་ན་དེ་དག་ཀྱང་དེ་བཞིན་གཤེགས་
D111.050.0106a01.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བ་ཞིག་ན་གང་གི་ཕྱིར་དེ་དག་ལ་ཆོས་འདི་དག་མེད་པ་དེའི་ཕྱིར་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱའོ། །ཀུན་དགའ་བོ་དེ་ལྟར་བྱང་ཆུབ་སེམས་དཔའ་སེམས་དཔའ་
D111.050.0106a02.01ཆེན་པོ་རྣམས་ནི་དཀའ་བ་བྱེད་ཅིང་། སྙིང་རྗེ་ཆེ་ལ་སེམས་ཅན་ཐམས་ཅད་ལ་སྙིང་བརྩེ་བའོ། །དེ་ལ་མི་བླུན་པོ་ཁ་ཅིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་བླ་ན་མེད་པའི་ཡོངས་སུ་མྱ་ངན་ལས་འདའ་བའི་ས་བོན་མངོན་སུམ་དུ་བྱ་བའི་ཕྱིར་སེམས་དང་བ་འགའ་ཡང་ང་ལ་མི་
D111.050.0106a03.01སྐྱེད་དོ། །ཀུན་དགའ་བོ་ཉི་ཚེ་བ་བྱེད་པ་ནི་ཉི་ཚེ་བ་སྒྲུབ་ལ། ཡོངས་སུ་རྫོགས་པ་བྱེད་པ་ནི་ཡོངས་སུ་རྫོགས་པ་སྒྲུབ་བོ། །ཀུན་དགའ་བོ་ངའི་སྤྱོད་པ་གཞན་དག་ཀྱང་བསྟན་ཏེ། ཀུན་དགའ་བོ་ཐ་ན་སེམས་དང་བ་གཅིག་བསྐྱེད་པའི་དགེ་བའི་རྩ་བ་དང་ལྡན་པ་བསྐྱེད་པ་ཡང་དོན་མེད་པར་
D111.050.0106a04.01མི་འགྱུར་ན་གོང་མ་དག་ལྟ་ཅི་སྨོས། ཀུན་དགའ་བོ་གང་དེ་བཞིན་གཤེགས་པ་ལ་བཞག་པའི་དགེ་བའི་རྩ་བ་གང་ཡིན་པ་ཐ་ན་སངས་རྒྱས་ལ་དམིགས་པའི་སེམས་གཅིག་བསྐྱེད་ན་ཀུན་དགའ་བོ་དེ་དག་ཐམས་ཅད་ཀྱང་བདུད་རྩི་དང་མཚུངས་ཤིང་ཐ་མ་བདུད་རྩིར་འགྱུར་བར་ང་སྨྲའོ། །ཀུན་
D111.050.0106a05.01དགའ་བོ་དེ་བཞིན་གཤེགས་པ་ནི་རྣམ་པ་ཐམས་ཅད་ཀྱིས་རྗེས་སུ་དྲན་པར་བྱ་སྟེ། ཀུན་དགའ་བོ་དྲན་པ་ལས་ཀྱང་དེ་བཞིན་གཤེགས་པ་དྲན་པར་བྱའོ། །ཀུན་དགའ་བོ་དགེ་བའི་རྩ་བ་ལས་ཀྱང་དེ་བཞིན་གཤེགས་པ་དྲན་པར་བྱའོ། །ཀུན་དགའ་བོ་རིགས་ལས་ཀྱང་དེ་བཞིན་གཤེགས་
D111.050.0106a06.01པ་དྲན་པར་བྱའོ། །ང་ནི་འདྲ་བའི་ཕྱིར་ཉི་མའི་རིགས་ཏེ་གང་བུ་རམ་ཤིང་པའི་རིགས་སུ་སྐྱེས་པ་ནོར་མང་པོ་ཕུན་སུམ་ཚོགས་པའོ། །ཉི་མའི་རིགས་ཀྱིས་མུན་པ་མུན་ནག་དང་བྲལ་བ་སྣང་བ་བྱེད་པ་འོད་བྱེད་པའོ། །ཀུན་དགའ་བོ་ང་ནི་ཤཱཀྱ་ཡིན་ཏེ། དེ་ནི་རིགས་ཆེ་བའི་ཚིག་{བླ་དགས་,བླ་དྭགས་}སོ། །ཀུན་
D111.050.0106a07.01