完整藏文原文 · 德格版页 当前仅加载第 50 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་དེ་བཞིན་གཤེགས་པ་ཆོས་ཀྱི་དབྱིངས་རྟོགས་ཤིང་རྗེས་སུ་རྟོགས་པ་ལ་འདི་ལྟ་བུ་དག་ཐ་ན་སེམས་དང་བ་གཅིག་བསྐྱེད་པ་དང་། དཀར་པོ་དང་ནག་པོའི་ཆོས་རྣམས་ཆུད་ཟ་བར་མི་འགྱུར་བའི་ཕྱིར་རོ། །ཀུན་དགའ་བོ་གང་དག་
D111.050.0092a01.01ཁ་ཅིག་སེམས་དང་བས་སངས་རྒྱས་རྣམས་ལ་ཕྱག་འཚལ་ལོ་ཞེས་བྱ་བའི་ཚིག་བརྗོད་ན་ཀུན་དགའ་བོ་དགེ་བའི་རྩ་བ་དེ་ཡང་མྱ་ངན་ལས་འདའ་བ་ལ་གཞོལ་བར་ང་སྨྲ་སྟེ། མྱ་ངན་ལས་འདའ་བའི་མཐར་འགྱུར་བ་དང་། མྱ་ངན་ལས་འདའ་བའི་མུར་ཐུག་པར་འགྱུར་བར་ང་སྨྲ་ན། གང་དེ་བཞིན་
D111.050.0092a02.01གཤེགས་པ་བཞུགས་པ་ལ་བསྟི་སྟང་བྱེད་པ་དང་། བླ་མར་བྱེད་པ་དང་། རིམ་གྲོར་བྱེད་པ་དང་། མཆོད་པར་བྱེད་པ་དང་། ཡོངས་སུ་མྱ་ངན་ལས་འདས་པའི་སྐུ་གདུང་ལ་སྐུ་གདུང་གི་མཆོད་པ་བྱེད་པ་ལྟ་ཅི་སྨོས། ཀུན་དགའ་བོ་དགེ་སློང་གི་རིགས་ངུར་སྨྲིག་བགོས་པ་དེ་དག་ནི་ཐ་ན་ལན་
D111.050.0092a03.01འགའ་ཞིག་སངས་རྒྱས་རྣམས་ལ་ཕྱག་འཚལ་ལོ་ཞེས་ངེས་པར་ཚིག་ཏུ་རྗོད་པར་ཡང་འགྱུར་ན་སེམས་དང་བ་སྐྱེད་པར་འགྱུར་བ་དང་། དགེ་བའི་རྩ་བ་གཞན་དག་སྐྱེད་པར་འགྱུར་བ་ལྟ་ཅི་སྨོས། ཀུན་དགའ་བོ་ངས་འདི་ལ་དགོངས་ནས་ཀྱང་ངས་དེ་སྐད་བཤད་དོ། །དེ་ནས་བཅོམ་ལྡན་འདས་
D111.050.0092a04.01ཀྱིས་ཚིག་དེ་དག་ཚིགས་སུ་བཅད་དེ་བཀའ་སྩལ་པ། དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །དེ་ཡི་རྣམ་སྨིན་བསམ་མི་ཁྱབ། །མཐུ་ཆེན་ལྡན་པ་སྣང་བ་མཛད་པ་པོ། །འདས་པའི་སངས་རྒྱས་རྣམས་ལ་མཆོད་
D111.050.0092a05.01བྱས་ནས། །སྙིང་རྗེས་འཇིག་རྟེན་ཀུན་ཏུ་མཚུངས་མེད་ཅིང་། །གྲངས་མེད་བྱང་ཆུབ་འདི་འཚང་རྒྱ་བྱ་ཞེས། །དེ་ཚེ་སྦྱིན་ལ་མངོན་པར་བརྩོན་པར་གྱུར། །དད་པའི་དབང་པོ་སྒོམ་དང་བརྩོན་འགྲུས་ལྡན། །བརྩོན་འགྲུས་སྟོབས་ལྡན་འཐུན་པ་རབ་བསྐྱེད་ནས། །སྦྱིན་པ་བྱིན་ནས་སྐྱེ་དགུ་སྙིང་
D111.050.0092a06.01བརྩེ་བྱས། །ཇི་ལྟར་ཕ་དང་མ་དང་སྲིང་མོ་དང་། །སྤུན་དང་གྲོགས་ལ་བྱམས་པར་འགྱུར་བ་བཞིན། །མཛའ་དང་མི་མཛའ་དག་ལ་ཁོང་ཁྲོ་སྤངས། །བྱང་ཆུབ་མཚུངས་མེད་གྲངས་མེད་ངས་ཐོབ་བོ། །བྱང་ཆུབ་ཞི་བ་མྱ་ངན་མེད་ཚོལ་ཕྱིར། །བསྐལ་པ་བྱེ་བར་ང་ཡིས་སྦྱིན་པ་བྱིན། །ཕན་
D111.050.0092a07.01