完整藏文原文 · 德格版页 当前仅加载第 50 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དེ། ཀུན་དགའ་བོ་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་བསམ་གྱིས་མི་ཁྱབ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་དེ་ལ་རྣམ་པར་སྨིན་པ་ཡང་བསམ་གྱིས་མི་ཁྱབ་པར་ཤེས་པར་བྱོས་ལ་ཀུན་དགའ་བོ་ཁྱོད་མྱ་ངན་མ་བྱེད་སྨྲེ་སྔགས་མ་འདོན་ཅིག །
D111.050.0089a01.01ཀུན་དགའ་བོ་ཁྱོད་རྫུ་འཕྲུལ་ཆེན་པོ་དང་རྒྱ་ཆེན་པོར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་ཁྱོད་ཀྱིས་ལོ་ཉི་ཤུ་ལྷག་གི་བར་དུ་དེ་བཞིན་གཤེགས་པ་ལ་བྱམས་པའི་ལུས་ཀྱི་ལས་དང་། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀྱིས་བསྙེན་བཀུར་བྱས་ཤིང་ཆོས་ཀྱི་
D111.050.0089a02.01ཕུང་པོ་བརྒྱད་ཁྲི་བཞི་སྟོང་བཟུང་སྟེ། མང་དུ་ཐོས་པ་རྣམས་ཀྱི་མཆོག །སྣ་ཚོགས་སྨྲ་བ་རྣམས་ཀྱི་མཆོག །གསལ་བ་དུལ་བ་འཇིགས་པ་མེད་པ། མང་དུ་ཐོས་པ། མདོ་འཛིན་པ། འདུལ་བ་འཛིན་པ། མ་མོ་འཛིན་པ། འཁོར་བཞི་རྣམས་ལ་ཆོས་འཆད་པས་ངལ་བ་མེད་པ་
D111.050.0089a03.01ཡིན་ནོ། །ཀུན་དགའ་བོ་ང་འདས་ནས་ཁྱོད་དང་གནས་བརྟན་འོད་སྲུང་ཆེན་པོ་གཉིས་སྟོན་པའི་མཛད་པ་བྱེད་པར་འགྱུར་གྱིས། ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་ཁྱོད་རྫུ་འཕྲུལ་ཆེ་བར་འགྱུར། ཕན་ཡོན་ཆེ་བ་དང་། གཟི་ཆེ་བ་དང་། ཀུན་
D111.050.0089a04.01དགའ་བོ་ཁྱོད་རྒྱ་ཆེ་བར་འགྱུར་རོ། །སྐུ་གདུང་མེད་པར་མི་འགྱུར་བའི་ལེའུ་སྟེ་བདུན་པ་རྫོགས་སོ།། །།བམ་པོ་བཞི་པ། དེ་ནས་ཡང་བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སེམས་ཅན་གང་དག་ཁ་ཅིག་སངས་རྒྱས་བཅོམ་
D111.050.0089a05.01ལྡན་འདས་རྣམས་ཀྱི་གསུང་ཐོས་སམ། མཚན་གྱི་སྒྲ་ཐོས་ན། ཀུན་དགའ་བོ་དེ་ཡང་དེ་དག་ལ་ཡོངས་སུ་མྱ་ངན་ལས་འདས་ཀྱི་བར་དུ་དོན་མེད་པར་མི་འགྱུར་བར་ང་སྨྲའོ། །ཀུན་དགའ་བོ་གང་སངས་རྒྱས་རྣམས་ལ་ཕྱག་འཚལ་ལོ་ཞེས་བྱ་བའི་ཚིག་དེའི་དོན་ཀྱང་གང་ཡིན། དེ་སྐད་
D111.050.0089a06.01ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ནི་ཆོས་ཐམས་ཅད་ཀྱི་རྩ་བ་ལགས། བཅོམ་ལྡན་འདས་ནི་འདྲེན་པ་ལགས། བཅོམ་ལྡན་འདས་ནི་སྟོན་པ་ལགས་ན། བཅོམ་ལྡན་འདས་
D111.050.0089a07.01