完整藏文原文 · 德格版页 当前仅加载第 50 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རྣམས་མཉེས་པར་བྱེད་དོ། །མཉེས་པར་བྱས་ནས་ཀྱང་ཡོངས་སུ་རྫོགས་པར་བྱ་བའི་ཕྱིར་དེ་ལ་དགེ་བའི་རྩ་བ་སྐྱེད་དོ། །བསྐྱེད་ནས་ཀྱང་བྱང་ཆུབ་ཀྱི་ཚོགས་རྣམས་མངོན་པར་འདུས་བྱས་ནས་ཡན་ལག་རྣམས་ཡོངས་སུ་རྫོགས་པས་དེ་བཞིན་གཤེགས་པ་དགྲ་
D111.050.0091a01.01བཅོམ་པ་ཡང་དག་པར་རྫོགས་པའི་སངས་རྒྱས་ཞེས་འཇིག་རྟེན་ན་སྒྲ་རྣམ་པར་གྲགས་པའི་སངས་རྒྱས་སུ་འགྱུར་ཏེ། ཀུན་དགའ་བོ་འདི་ནི་ཡོངས་སུ་རྫོགས་པར་བྱེད་པ་ཞེས་བྱའོ། །དེ་ལྟར་ངས། གང་སྨྲས་པ་དེ་ནི་འདི་ལ་བརྟེན་ཏེ་སྨྲས་སོ། །ཀུན་དགའ་བོ་རྣམ་གྲངས་འདིས་ཀྱང་ཁྱོད་ཀྱིས་
D111.050.0091a02.01འདི་ལྟར་གང་ཉི་ཚེ་བ་བྱེད་པས་ནི་ཉི་ཚེ་བ། ཡོངས་སུ་རྫོགས་པར་བྱེད་པས་ནི་ཡོངས་སུ་རྫོགས་པ་འགྲུབ་པར་རིག་པར་བྱའོ། །ཀུན་དགའ་བོ་ངས་སྤྱོད་པ་གཞན་ཡང་ཐ་ན་རྩ་བ་བཞི་པ་ཙམ་ཡང་བཤད་དོ། །དེ་ལྟར་ངས་གང་སྨྲས་པ་དེ་ངས་ཅི་ལ་བརྟེན་ཏེ་སྨྲས་ཤེ་ན། ཀུན་དགའ་བོ་ངས་སེམས་
D111.050.0091a03.01ཅན་རིད་ཅིང་ཉམ་ཆུང་བ་རྣམས་ལ་བརྟེན་ནས་བཤད་དེ། ཀུན་དགའ་བོ་ང་ནི་སེམས་ཅན་ཆུད་ཟོས་པ་རྣམས་ཀྱི་སྐྱབས་སོ། །ང་ནི་རབ་ཏུ་ཆུད་ཟོས་པ་རྣམས་ཀྱི་མགོན་ནོ། །ང་ནི་དཔུང་གཉེན་ནོ། །ང་ནི་རྟེན་མེད་པ་དང་མགོན་མེད་པ་རྣམས་ཀྱི་རྟེན་དང་མགོན་ཡིན་ནོ། །ཀུན་དགའ་བོ་ང་ནི་སེམས་
D111.050.0091a04.01ཅན་སྒྲོན་མ་མེད་པ་དང་། ལོང་བ་དང་། མིག་མེད་པ་རྣམས་ཀྱི་སྒྲོན་མ་དང་མིག་དང་། སྣང་བ་དང་འོད་བྱེད་པའོ། །ཀུན་དགའ་བོ་ཕས་ཀྱི་རྒོལ་བ་ཐམས་ཅད་ནི་སྐྱབས་མེད་པ། ལོང་བ། མིག་མེད་པ། ཡོངས་སུ་འདྲེན་པ་མེད་པའོ། །ཀུན་དགའ་བོ་ང་ནི་ལྷ་དང་བཅས་པའི་འཇིག་རྟེན་
D111.050.0091a05.01གྱི་སྟོན་པའོ། །འཆོས་པའོ། །སེམས་ཅན་ཐམས་ཅད་ལ་སྙིང་བརྩེ་བ་ཅན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ་ཕྱི་མའི་དུས་ཟད་པའི་དུས། དམ་པའི་ཆོས་འཇིག་པར་འགྱུར་བའི་དུས་ན་གང་དག་ངའི་བསྟན་པ་འདི་ལ་རབ་ཏུ་འབྱུང་བར་འགྱུར་བ་དག་རབ་ཏུ་བྱུང་ནས་བུའི་ལག་ནས་བཟུང་སྟེ། བུ་
D111.050.0091a06.01དང་ལྷན་ཅིག་ཏུ་ཆང་སྐྱོགས་གང་གི་ཕྱིར་ཆང་པའི་ཁྱིམ་ནས་ཆང་པའི་ཁྱིམ་དུ་འཁྱམ་པ། ངའི་དམ་པའི་ཆོས་འདིའི་རྗེས་སུ་སློབ་པ་དེ་དག་ཐམས་ཅད་ཀྱང་ཀུན་དགའ་བོ་བསྐལ་པ་བཟང་པོ་འདི་ལ་ཡོངས་སུ་མྱ་ངན་ལས་འདའ་བར་འགྱུར་རོ། །ཀུན་དགའ་བོ་ཅིའི་ཕྱིར་བསྐལ་པ་འདི་བསྐལ་པ་བཟང་པོ་
D111.050.0091a07.01