完整藏文原文 · 德格版页 当前仅加载第 50 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་བ་དེ་བཞིན་གཤེགས་པ་ལ་ཡོན་ཕུལ་བ་དེ་ལྟར་དཔག་ཏུ་མེད་དོ། །དེ་བཞིན་གཤེགས་པ་ལ་ཐ་ན་སེམས་དང་བ་གཅིག་བསྐྱེད་པ་ཡང་ཤིན་ཏུ་མཐར་ཐུག་པ་དང་། ཤིན་ཏུ་གྲུབ་པ་དང་། བདེ་བ་དང་། ཤིན་ཏུ་མུར་ཐུག་པ་དང་། ཤིན་ཏུ་ཚངས་པར་སྤྱོད་པར་ང་སྨྲའོ། །ཀུན་
D111.050.0100b01.01དགའ་བོ་དེ་བས་ན་རིགས་ཀྱི་བུའམ་རིགས་ཀྱི་བུ་མོ་འཁོར་ལོས་སྒྱུར་བའི་རྒྱལ་སྲིད་འདོད་པས་དེ་ལྟར་སངས་རྒྱས་བཅོམ་ལྡན་འདས་ལ་བསྟི་སྟང་བྱ། བླ་མར་བྱ། རིམ་གྲོར་བྱ། མཆོད་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་བརྒྱ་བྱིན་ཐོབ་པར་འདོད་པ་དང་། ཚངས་པ་དང་། རྒྱལ་ཆེན་
D111.050.0100b02.01བཞིའི་རིས་ཀྱི་ལྷ་རྣམས་ཀྱི་བདག་པོ་བྱེད་པར་འདོད་པ་དང་། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་
D111.050.0100b03.01དང་། ལྟོ་འཕྱེ་ཆེན་པོ་དང་། མིའམ་མི་མ་ཡིན་པའམ། འཇིག་རྟེན་ཐམས་ཅད་ཀྱི་འཇིག་རྟེན་གྱི་བདག་པོ་ཐོབ་པར་འདོད་པས་སངས་རྒྱས་བཅོམ་ལྡན་འདས་ལ་བསྟི་སྟང་བྱ། བླ་མར་བྱ། རིམ་གྲོར་བྱ། མཆོད་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་ཉན་ཐོས་ཀྱི་ས་ཐོབ་པར་འདོད་
D111.050.0100b04.01པའམ། རང་སངས་རྒྱས་ཀྱི་ས་ཐོབ་པར་འདོད་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འདོད་པས་སངས་རྒྱས་བཅོམ་ལྡན་འདས་ལ་བསྟི་སྟང་བྱ། བླ་མར་བྱ། རིམ་གྲོར་བྱ། མཆོད་པར་བྱའོ། །ཀུན་དགའ་བོ་ངས་བླ་ན་མེད་པ་ཡང་དག་པར་རྫོགས་པའི་བྱང་
D111.050.0100b05.01ཆུབ་གཉེར་བ་ན། སངས་རྒྱས་མང་པོ། སངས་རྒྱས་བརྒྱ་ཕྲག་མང་པོ། སངས་རྒྱས་སྟོང་ཕྲག་མང་པོ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་རྣམས་ལ་འདི་ལྟ་སྟེ། ན་བཟའ་དང་། བཤོས་དང་། གཟིམས་ཆ་དང་། སྙུན་གསོས་ཀྱི་སྨན་དང་། ཡོ་བྱད་རྣམས་དང་། གདན་དང་།
D111.050.0100b06.01འཆག་ས་དང་། གཙུག་ལག་ཁང་དང་། མེ་ཏོག་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་བསྟི་སྟང་བྱས། བླ་མར་བྱས། རིམ་གྲོར་བྱས། མཆོད་པར་བྱས་སོ། །སངས་རྒྱས་བཅོམ་ལྡན་
D111.050.0100b07.01