完整藏文原文 · 德格版页 当前仅加载第 50 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དང་འདྲེས་པ། དཀོན་མཆོག་གསུམ་དང་མ་འདྲེས་པ། མ་གུས་པ་དགེ་སྦྱོང་ལྟར་བཅོས་པ་དག་ནི་མང་དུ་འབྱུང་བར་འགྱུར་རོ། །དེ་ན་དགེ་སློང་བརྩོན་འགྲུས་བརྩམས་པ། རབ་ཏུ་དབེན་པ་དྲན་པ་ཉེ་བར་གཞག་པ། མཉམ་པར་བཞག་པ། ཤེས་རབ་དང་ལྡན་པ། སེམས་
D111.050.0085a01.01རྩེ་གཅིག་པ་དགེ་བའི་ཆོས་ཅན། འདོད་པ་ཆུང་བ། ཆོག་ཤེས་པ། བསོད་སྙོམས་ལ་རྒྱུ་བ། འཕགས་པའི་རིགས་ལ་གནས་པ། མང་དུ་ཐོས་པ་ཐོས་པ་བསགས་པ་དག་ནི་ཉུང་ངུ་འབྱུང་བར་འགྱུར་ཏེ། དེ་ལ་དགེ་སློང་འཚོ་བྱེད་ཁོང་ཁྲོ་བའི་སེམས་མེད་པ་དང་། དབང་པོ་མ་ཉམས་པ་དང་།
D111.050.0085a02.01དད་པ་དང་དང་བ་མཆོག་དང་ལྡན་པས། གོས་ངུར་སྨྲིག་བགོས་ཤིང་ཚུལ་ཁྲིམས་དང་ལྡན་པའི་འདུ་ཤེས་ཅན་ཐམས་ཅད་ལ་སྦྱིན་གནས་སུ་འདུ་ཤེས་བསྐྱེད་ནས་སྦྱིན་པ་སྦྱིན། དགེ་བའི་རྩ་བ་སྐྱེད་པར་བྱེད་དེ། དེ་བྱང་ཆུབ་སེམས་དཔའ་བྱེད་པའི་དགེ་བའི་རྩ་བ་རྒྱ་ཆེན་པོ་རྣམ་པ་སྣ་ཚོགས་བསགས་ནས་
D111.050.0085a03.01འཆི་བའི་དུས་བྱས་མ་ཐག་ཏུ་ནུབ་ཕྱོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་འདས་པ་ན་དེ་བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ་འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་བརྒྱན་པ་ཞེས་བྱ་བར་དེ་བཞིན་གཤེགས་པ་འོད་དྲི་མ་
D111.050.0085a04.01མེད་པ་ཞེས་བྱ་བར་འགྱུར་རོ། །ཀུན་དགའ་བོ་དགེ་སློང་འཚོ་བྱེད་དེ་ཡང་ངའི་བསྟན་པ་འདི་ཡངས་ཤིང་རྒྱས་པར་བྱེད་པར་འགྱུར་གྱིས་ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་ངའི་ཚངས་པར་སྤྱོད་པ་རྒྱས་པ་དང་ལྷ་དང་མི་རྣམས་ཀྱིས་མནོས་པར་འགྱུར་རོ། །ཀུན་
D111.050.0085a05.01དགའ་བོ་ང་འདས་ནས་མ་འོངས་པའི་དུས་ན་མཐའ་འཁོབ་ཀྱི་ཡུལ་ནགས་ཀྱི་ས་ན་རྒྱལ་པོའི་ཕོ་བྲང་ཞི་བ་ཞེས་བྱ་བ་ཞིག་ཡོད་པར་འགྱུར་ཏེ། དེ་ན་རྒྱལ་པོ་མེས་སྦྱིན་ཞེས་བྱ་བ་དད་པ་དང་ལྡན་པ་དང་བ་ཞིག་འབྱུང་སྟེ། དེ་ངའི་སྐུ་གདུང་དང་ཉན་ཐོས་རྣམས་ལ་བསྟི་སྟང་དུ་བྱ་བ་དང་། བླ་མར་བྱ་བ་ནས་རྗེད་པར་བྱ་
D111.050.0085a06.01བའི་བར་ལ་སྤྲོ་བར་འགྱུར་རོ། །ཀུན་དགའ་བོ་རྒྱལ་པོ་མེས་སྦྱིན་དེ་ཡང་རྒྱལ་པོའི་ཕོ་བྲང་ཞི་བ་དེར་ངའི་ཉན་ཐོས་རྣམས་བསྡུས་ནས་དང་བར་བྱེད་པར་འགྱུར་རོ། །དེར་དགྲ་བཅོམ་པ་སུམ་སྟོང་ལྷག་ཙམ་འདུས་པར་འགྱུར་ཏེ། ཐམས་ཅད་ཀྱང་རྫུ་འཕྲུལ་ཆེ་བ་མཐུ་ཆེ་བ་དབང་ཆེ་བར་གྲགས་པ་ནས་ཚངས་པ་
D111.050.0085a07.01