完整藏文原文 · 德格版页 当前仅加载第 50 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་སྡུག་པ་དང་ཡིད་དུ་འོང་བ་ཐམས་ཅད་དང་ཐ་དད་དུ་འགྱུར་ཞིང་འགྱེས་ཏེ་འབྱེ་བ་དང་འབྲལ་བར་འགྱུར་རོ། །གང་བྱུང་བ། འདུས་བྱས་པ། མངོན་པར་བསམས་པ། རྟེན་ཅིང་འབྲེལ་བར་འབྱུང་བ་དེ་དག་མི་འཇིག་པ་དེ་ག་ལ་ཡོད་དེ་དེ་ནི་གནས་མེད་དོ་ཞེས་ངས་
D111.050.0108a01.01ཐོག་མ་ནས་མ་བསྟན་ཏམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །གང་སེམས་ཅན་རིན་པོ་ཆེ་སེམས་ཅན་ཁ་ལོ་སྒྱུར་བ། སེམས་ཅན་ཡོངས་སུ་འདྲེན་པ། སེམས་ཅན་ཐམས་ཅད་ལ་གཅེས་པ།
D111.050.0108a02.01སེམས་ཅན་ཐམས་ཅད་རྟོན་པ། སྟོན་པ་དེ་ལྟ་བུ་དང་བདག་འགྱེས་ཤིང་འབྱེ་འབྲལ་ན། བཅོམ་ལྡན་འདས་ཅིའི་སླད་དུ་མྱ་ངན་མི་བགྱིད། བདེ་བར་གཤེགས་པ་བདག་ཅིའི་སླད་དུ་སྨྲེ་སྔགས་མི་འདོན། བཅོམ་ལྡན་འདས་འདི་ལྟར་འཇིག་རྟེན་གྱི་མགོན་པོ་ཐུགས་རྗེ་ཆེན་པོ་འཇིག་རྟེན་
D111.050.0108a03.01ཐམས་ཅད་ལ་ཕན་ཞིང་ཐུགས་བརྩེ་བ་མིག་རིན་པོ་ཆེ་སྣང་བ་མཛད་པ་དང་བདག་འབྲལ་བར་འགྱུར་ན་ཅིའི་སླད་དུ་བདག་མྱ་ངན་མི་བགྱིད། སྨྲེ་སྔགས་མི་འདོན། བཅོམ་ལྡན་འདས་བདག་གི་སྙིང་ཚལ་བ་བརྒྱར་མ་གས་པ་ངོ་མཚར་ཏོ། །བཅོམ་ལྡན་འདས་བདག་མཆིས་པ་འདི་ཉིད་
D111.050.0108a04.01དུ་འགུམ་པའི་དུས་མ་བགྱིས་པ་ངོ་མཚར་ཏོ། །བཅོམ་ལྡན་འདས་གང་བདག་མཆིས་པ་འདི་ཉིད་དུ་འདི་ལྟ་སྟེ་དཔེར་ན། ཕུབ་མ་སྤར་གང་བཞིན་དུ་རྣམ་པ་དུ་མར་མ་ཞིགས་པ་ངོ་མཚར་ཏོ། །བཅོམ་ལྡན་འདས་བདག་ནི་བཅོམ་ལྡན་འདས་ཀྱི་བྱིན་གྱི་རླབས་ཀྱིས་འགུམ་པའི་དུས་མ་བགྱིས་
D111.050.0108a05.01སོ་སྙམ་བགྱིད་དོ། །བཅོམ་ལྡན་འདས་འདི་ལྟར་སེམས་ཅན་རིན་པོ་ཆེ་འཇིག་རྟེན་ཡོངས་སུ་འདྲེན་པ། འཇིག་རྟེན་ལ་ཕན་ཞིང་ཐུགས་བརྩེ་བ་དེ་ལྟ་བུ་སང་སླན་ཆད་བཞུགས་པ་མི་མཐོང་ན་ཅིའི་སླད་དུ་མྱ་ངན་མི་བགྱིད། སྨྲེ་སྔགས་མི་འདོན། དེ་ནས་སངས་རྒྱས་བཅོམ་ལྡན་
D111.050.0108a06.01འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ལ་ང་སྡུག་གམ། གསོལ་པ། བཅོམ་ལྡན་འདས་བདག་ལ་སྡུག་གོ། །བདེ་བར་གཤེགས་པ་བདག་ལ་སྡུག་གོ། །བཀའ་སྩལ་པ། ཀུན་དགའ་བོ་ཁྱོད་ལ་ང་ཇི་ཙམ་དུ་སྡུག །གསོལ་
D111.050.0108a07.01